Навіны

31 сакавіка ў Бішкеку (Кыргызская Рэспубліка) адбудзецца сёмае пасяджэнне Кансультатыўнага камітэта па інтэлектуальнай уласнасці пры Еўразійскай эканамічнай камісіі пад старшынствам Міністра па эканоміцы і фінансавай палітыцы ЕЭК Цімура Сулейменава.  Падчас мерапрыемства плануецца абмеркаваць работу па праекце Дагавора аб таварных знаках, знаках абслугоўвання і найменнях месцаў паходжання тавараў Еўразійскага эканамічнага саюза (ЕАЭС), праекце Пагаднення аб парадку ўпраўлення аўтарскімі і сумежнымі правамі на калектыўнай аснове.  Прадстаўнікі дзяржаў-членаў прадставяць інфармацыю аб правядзенні ўнутрыдзяржаўных працэдур па праекце Пратакола аб унясенні змяненняў у Пагадненне аб адзіным мытным рэестры аб'ектаў інтэлектуальнай уласнасці краін Мытнага саюза ад 21 мая 2010 года, а таксама ўнутрыдзяржаўных працэдур, неабходных для ўваходжання ў сілу Дагавора аб каардынацыі дзеянняў па абароне правоў на аб'екты інтэлектуальнай уласнасці. Акрамя таго, удзельнікі пасяджэння разгледзяць праект Рэгламенту ўзаемадзеяння ўпаўнаважаных органаў і еўразійскай эканамічнай камісіі ў сферы абароны правоў на аб'екты інтэлектуальнай уласнасці, праект Дадатку аб Міжнароднай форме «Антыкантрафакт». Будзе прадстаўлена інфармацыя аб дзейнасці Рабочай групы па выпрацоўцы прапаноў у дачыненні далейшага прымянення прынцыпу вычарпання выключнага права на аб'екты інтэлектуальнай уласнасці.  Таксама на парадку пасяджэння стаяць наступныя пытанні: - выкананне абавязацельстваў, прынятых Рэспублікай Арменія ў сферы інтэлектуальнай уласнасці, у сувязі з далучэннем да Дагавору аб ЕЭАС ад 29 мая 2014 года; - парадак выплаты аўтарскага ўзнагароджання за выкананне пры вытворчасці і распаўсюджанні абавязковага агульнадаступнага пакета тэлепраграм; - неабходнасць стварэння механізмаў каардынацыі ў сферы процідзеяння распаўсюджанню кантрафактнай і нелегальнай прадукцыі на рынках краін ЕАЭС; - стварэнне экспертнай групы пры Кансультатыўным камітэце па інтэлектуальнай уласнасці пры Калегіі ЕЭК