Навіны

21.06.2022 (Обновлено: 05.07.2022 09:58)

Еўразійскі міжурадавы савет ухваліў гадавую справаздачу Камісіі аб стане канкурэнцыі на трансгранічных рынках за 2021 год

Распараджэннем Еўразійскага міжурадавага савета 21 чэрвеня ўхвалена гадавая справаздача Еўразійскай эканамічнай камісіі аб стане канкурэнцыі на трансгранічных рынках за 2021 год.
Дакумент змяшчае ў сабе інфармацыю пра расследаванні, рэалізацыю механізму «мяккага рэгулявання», таксама ўключае ў сябе планы антыманапольнага блока Камісіі на бліжэйшую перспектыву.
«З развіццём лічбавых рынкаў і ўзмацненнем на іх канкурэнцыі ўзнікаюць пытанні, якія тычацца асаблівасцяў яе ацэнкі. У мінулым годзе мы, можна сказаць, заклалі падмурак для выпрацоўкі падыходаў да ацэнкі стану канкурэнцыі на лічбавых рынках і парадку вызначэння трансгранічнасці такіх рынкаў. Мы падрыхтавалі агляд, у якім адлюстраваны практычныя падыходы па вызначэнні прадуктовых і геаграфічных межаў лічбавых рынкаў, паказчыкаў, якія выкарыстоўваюцца для разліку рынкавых аб'ёмаў і доляў гаспадарчых суб'ектаў. Асаблівая ўвага будзе нададзена пашырэнню фармату ўзаемадзеяння з бізнес-супольнасцю», – пракаменціраваў міністр па канкурэнцыі і антыманапольным рэгуляванні Арман Шакаліеў.

Паводле справаздачы, у мінулым годзе ЕЭК разгледзела 27 заяў аб парушэннях правіл канкурэнцыі на трансгранічных рынках. Праведзены 12 расследаванняў, разгледжаны 10 спраў аб парушэннях правіл канкурэнцыі.
У рамках Механізму «мяккага рэгулявання» Камісія правяла працу па 12 праектах прапаноў, накіраваных на ўрэгуляванне спрэчак паміж гаспадарчымі суб'ектамі на пачатковым этапе, без правядзення расследаванняў і накладання штрафаў. Асобным раздзелам у справаздачы выкладзена інфармацыя пра праведзеную за 2021 год працу па ўдасканаленні права ЕАЭС па пытаннях канкурэнцыі і антыманапольнага рэгулявання.

Акрамя гэтага, у справаздачу ўключаны вынікі дзейнасці па пытаннях дзяржцэнавага рэгулявання на асобныя віды тавараў, інфармацыя пра мерапрыемствы, накіраваныя на павышэнне эфектыўнасці канкурэнтнай палітыкі, у прыватнасці адвакатаванне канкурэнцыі і міжнароднае супрацоўніцтва.

Нагадаем, што ў 2021 годзе Арганізацыяй эканамічнага супрацоўніцтва і развіцця (АЭСР) праведзены экспертны агляд прававога рэгулявання і палітыкі ў сферы канкурэнцыі ў Еўразійскім эканамічным саюзе. Гэта першы вопыт, калі АЭСР правяла агляд дзейнасці Камісіі. Агляд змяшчае ў сабе аналіз права ЕАЭС у сферы канкурэнцыі, працэсуальных актаў, канкурэнтнай палітыкі і правапрымянення ў ЕАЭС, аналіз эфектыўнасці дзеючых інстытутаў рэгулявання канкурэнцыі, міжнароднага супрацоўніцтва і адвакатавання канкурэнцыі.