Навіны
Дзяржавы Саюза актывізуюць намаганні для фарміравання трохбаковых кааперацыйных праектаў
13 верасня на пляцоўцы Еўразійскай эканамічнай камісіі пад старшынствам міністра па прамысловасці і аграпрамысловым комплексе ЕЭК Артака Камаляна прайшло першае пасяджэнне Камісіі па кааперацыі і імпартазамяшчэнні ў прыярытэтных і высокатэхналагічных галінах прамысловасці ў рамках Еўразійскага эканамічнага саюза.
Удзельнікі нарады – намеснікі кіраўнікоў органаў выканаўчай улады і галіновых канцэрнаў ЕАЭС – абмеркавалі шэраг ключавых пытанняў, якія датычацца механізмаў падтрымкі кааперацыі і імпартазамяшчэння на ўзроўні краін еўразійскай «пяцёркі».
«З моманту пераўтварэння ў снежні мінулага года рабочай групы высокага ўзроўню ў Камісію па кааперацыі і імпартазамяшчэнні прамысловым блокам ЕЭК сумесна з упаўнаважанымі органамі краін Саюза праведзена зладжаная і прадуктыўная работа, і сёння для стымулявання развіцця сумесных кааперацыйных праектаў дзяржаў Саюза ў прыярытэтных галінах нам неабходна прыняць па шэрагу важных пытанняў», – заявіў Артак Камалян.
Члены Камісіі прынялі рашэнне аб неабходнасці актывізацыі работы выканаўчых органаў дзяржаў-членаў па фарміраванні такіх кааперацыйных праектаў з удзелам трох і больш краін ЕАЭС. Удзельнікі нарады адзначылі значнасць новага наднацыянальнага механізма фінансавага садзейнічання кааперацыйным праектам, які прадугледжвае субсідзіраванне з бюджэту Саюза часткі працэнтнай стаўкі па крэдытах і пазыках, выдадзеных фінансавымі арганізацыямі.
«У цяперашні час дапрацоўваецца адпаведнае палажэнне, якім трэба будзе кіравацца пры адборы і рэалізацыі сумесных праектаў. Новы механізм дапаможа ў значнай меры рэалізаваць напрацаваны патэнцыял для развіцця і ўмацавання рэальнага сектара эканомікі, – адзначыў міністр ЕЭК. – Таму неабходна больш актыўна весці работу з бізнесам нашых краін па фарміраванні перспектыўных кааперацыйных праектаў».
У рамках дыскусіі бакі адзначылі мэтазгоднасць кансалідацыі прамысловага патэнцыялу ЕАЭС шляхам фарміравання нефінансавых механізмаў стымулявання развіцця кааперацыі, а таксама дамовіліся актуалізаваць Карту індустрыялізацыі ЕАЭС, размешчаную на афіцыйным сайце Саюза. Сёння гэты дакумент уключае ў сябе 158 буйных інвестыцыйных і значных праектаў у 25 галінах прамысловасці.
На пасяджэнні таксама ўхвалены працяг работы па развіцці электроннага сэрвісу ЕАЭС, які змяшчае ў сабе інфармацыю аб аб'ектах індустрыяльна-інавацыйнай інфраструктуры дзяржаў-членаў.
Даведка
Камісія па кааперацыі і імпартазамяшчэнні ў прыярытэтных і высокатэхналагічных галінах прамысловасці ў рамках Еўразійскага эканамічнага саюза сфарміравана Распараджэннем Калегіі ЕЭК ад 20 снежня 2022 года № 225.
Асноўнымі задачамі Камісіі з'яўляюцца комплекснае садзейнічанне ў арганізацыі работы па кааперацыі і імпартазамяшчэнні ў прыярытэтных і высокатэхналагічных галінах прамысловасці на ўзроўні Саюза; распрацоўка механізмаў і інструментаў падтрымкі кааперацыі і (або) імпартазамяшчэння ў прыярытэтных і высокатэхналагічных галінах прамысловасці на ўзроўні Саюза; садзейнічанне ў выбудоўванні кааперацыйных імпартазамяшчальных вытворчых ланцужкоў на ўзроўні ЕАЭС; выпрацоўка прапаноў, накіраваных на павышэнне канкурэнтаздольнасці высокатэхналагічнай прадукцыі, якая вырабляецца ў дзяржавах Саюза, на ўнутраным і знешнім рынках; распрацоўка мер, накіраваных на задавальненне патрэбаў унутранага і знешняга рынкаў у канкурэнтаздольнай высокатэхналагічнай прадукцыі, якая вырабляецца ў дзяржавах-членах.
