Навіны
Нулявая мытная пошліна на кантэйнеры прадоўжана да канца 2023 года
Калегія Еўразійскай эканамічнай камісіі прадоўжыла тэрмін дзеяння нулявой увазной мытнай пошліны ў дачыненні да асобных відаў кантэйнераў (код 8609 00 900 9 ТН ЗЭД ЕАЭС) па 31 снежня 2023 года ўключна.
«Абнуленне пошліны заклікана не дапусціць скарачэння кантэйнернага парку ЕАЭС пасля сыходу часткі заходніх лагістычных кампаній. Прадаўжэнне тэрміну дзеяння меры мытна-тарыфнага рэгулявання забяспечыць своечасовыя пастаўкі тавару, а таксама загрузку партоў Далёкага Ўсходу», – растлумачыў Міністр па гандлі ЕЭК Андрэй Сляпнёў.
Па яго словах, кантэйнеры, якія вырабляюцца ў цяперашні час на тэрыторыі Саюза, выкупляюцца бізнесам краін ЕАЭС у поўным аб'ёме, аднак наяўныя патрэбы пры гэтым да канца не забяспечваюцца.
Неабходныя змяненні будуць унесены і ў іншыя акты Камісіі.
Даведка
У падсубпазіцыі 8609 00 900 9 ТН ЗЭД ЕАЭС класіфікуюцца кантэйнеры (уключаючы ёмістасці для перавозкі вадкасцяў або газаў), спецыяльна прызначаныя і абсталяваныя для перавозкі адным ці некалькімі відамі транспарту, за выключэннем кантэйнераў з супрацьрадыяцыйным свінцовым пакрыццём для транспарціроўкі радыеактыўных рэчываў, а таксама кантэйнераў з унутраным аб'ёмам ад 42 м3 да 43 м3.
Дзеючая стаўка ўвазной мытнай пошліны АМТ ЕАЭС у дачыненні да кантэйнераў складае 10% ад мытнага кошту. У адпаведнасці з рашэннямі Калегіі Камісіі ад 12 красавіка 2022 года № 63 і ад 13 верасня 2022 года № 129 з 28 сакавіка 2022 года па 28 лютага 2023 года прымяняецца пошліна ў памеры 0%.
