арм

Նորություններ

Ելույթներ Ֆոտոսրահ Տեսադարան
06 Dec 2024 Թալգաթ Մոմիշև. «Տեխնիկական կարգավորման գործիքները հակազդում են ԵԱՏՄ-ում ոչ անվտանգ արտադրանքի շրջանառությանը» Արտադրանքին ներկայացվող պարտադիր պահանջների սահմանման, ստանդարտացման և համապատասխանության գնահատման հարցերը քննարկվել են Աստանայում «Հակակեղծարարություն 2024» միջազգային համաժողովի թեմատիկ հատվածում, որի բանախոսներից մեկը Եվրասիական տնտեսական հանձնաժողովի տեխնիկական կարգավորման և հավատարմագրման վարչության տնօրեն Թալգաթ Մոմիշևն էր: Հանձնաժողովի ներկայացուցիչը խոսել է ԵԱՏՄ-ում տեխկարգավորման հիմնական ասպեկտների մասին, ներառյալ ստանդարտացման ոլորտի իրավունքի փոփոխությունները, համապատասխանության գնահատումը և հավատարմագրումը, Միության միջազգային պայմանագրերի իրականացման համար անհրաժեշտ «երկրորդ մակարդակի» փաստաթղթերը: Բացի այդ, նա հայտնել է «Եվրասիական տնտեսական ուղի» հռչակագրի իրականացման միջոցառումների պլանի մշակման մասին։ «Տեխնիկական կարգավորումը ԵԱՏՄ-ում փոխկապակցված տարրերի համալիր համակարգ է, որը ներառում է միասնական պարտադիր պահանջների սահմանումը, ստանդարտների կիրառման, համապատասխանության գնահատման, արդյունավետ պետական վերահսկողության իրականացման միջոցով դրանց իրականացման ապահովումը։ Տեխկարգավորման գործիքները հանդես են գալիս որպես հակազդեցություն մեր շուկայում ոչ անվտանգ արտադրանքի ապօրինի շրջանառությանը,- նշել է Թալգաթ Մոմիշևը։ - Դրան նպաստում է ԵԱՏՄ տեխկանոնակարգերի համապատասխանության գնահատման և պահանջների պահպանման նկատմամբ պետական վերահսկողության ոլորտի արդյունավետ նորմատիվ դաշտը, որոնց կատարելագործման ուղղությամբ Հանձնաժողովը մշտապես աշխատում է անդամ պետությունների հետ համատեղ»: Համաժողովի ընթացքում քննարկվել են նաև թվային առևտրի զարգացման, ծխախոտի, նիկոտին պարունակող և ալկոհոլային արտադրանքի ապօրինի շրջանառությանը հակազդեցության և դեղագործական կեղծիքների դեմ պայքարի հարցեր: Համաժողովի աշխատանքներին մասնակցել են Եվրասիական տնտեսական միության պետությունների և երրորդ երկրների պետական մարմինների, հասարակական կազմակերպությունների, բիզնես ընկերակցությունների ներկայացուցիչներ։
02 Dec 2024 Փոփոխություններ են կատարվել «Խաղալիքների անվտանգության մասին» տեխկանոնակարգի ստանդարտների ցանկերում Եվրասիական տնտեսական հանձնաժողովի Կոլեգիան փոփոխություններ է կատարել «Խաղալիքների անվտանգության մասին» տեխկանոնակարգի ստանդարտների ցանկում՝ այդ կանոնակարգի N 3 փոփոխություններն իրականացնելու համար, որոնք ընդունվել են Հանձնաժողովի խորհրդի 2024 թվականի մարտի 14-ի N 50 որոշմամբ և ուժի մեջ մտել այս տարվա նոյեմբերի 26-ից։ Ստանդարտների ցանկերը ներառել են ստանդարտների նոր տարբերակներ, և սահմանափակվել է փոխարինվողների կիրառման ժամկետը։ Բացի այդ, փորձարկումների մեթոդներ պարունակող ստանդարտների ցանկը ներառել է վինիլացետատի միգրացիայի մակարդակի որոշման մեթոդիկան, որը մշակվել է Հանձնաժողովի կողմից գիտահետազոտական աշխատանքների շրջանակներում: Նշված մեթոդիկայի տեքստի հասանելիությունը սահմանված կարգով ապահովված է ԵՏՀ կայքում: Սահմանված է նաև, որ փոփոխություններն ուժի մեջ կմտնեն ԵՏՀ Կոլեգիայի որոշման պաշտոնական հրապարակմանը հաջորդող 30 օրացուցային օր հետո և կտարածվեն 2024 թվականի նոյեմբերի 26-ից ծագած իրավահարաբերությունների վրա։ Նշված ամսաթիվը փոխկապակցված է տեխկանոնակարգի փոփոխությունների ուժի մեջ մտնելու օրվա հետ, որի նպատակն է վերացնել իրավական անորոշությունը, որը կարող էր ի հայտ գալ տեխկանոնակարգը կիրառելիս:
02 Dec 2024 ԵՏՀ-ն փոփոխություններ է կատարել սննդամթերքի մասին տեխկանոնակարգի ստանդարտների ցանկերում Եվրասիական տնտեսական հանձնաժողովի Կոլեգիան հաստատել է «Սննդամթերքի անվտանգության մասին» Մաքսային միության տեխնիկական կանոնակարգի (ՄՄ ՏԿ 021/2011) ստանդարտների ցանկի փոփոխությունները: Կամավոր կիրառման ենթակա ստանդարտների ցանկը լրացվել է 17 միջպետական ստանդարտով, իսկ մեթոդներին առնչվող ստանդարտների ցանկը՝ մեկ միջպետական ստանդարտով։ Տասը միջպետական ստանդարտ շարադրվել է արդիականացված խմբագրմամբ։ Միության երկրների 14 ազգային ստանդարտ հանվել է, քանի որ դրանց հիման վրա մշակվել են համապատասխան միջպետական ստանդարտներ։ Ստանդարտների ցանկերի փոփոխություններն ուժի մեջ են մտնում ԵՏՀ Կոլեգիայի որոշման պաշտոնական հրապարակմանը հաջորդող 180 օրացուցային օր հետո: Փոփոխությունները նախապատրաստվել են Հանձնաժողովի կողմից՝ ԵԱՏՄ երկրների ստանդարտացման լիազոր մարմինների առաջարկների հիման վրա, Միջազգային և տարածաշրջանային (միջպետական) ստանդարտների ցանկերի մշակման և ընդունման կարգի 36-րդ կետի «բ» ենթակետի շրջանակներում, որը հաստատվել է ԵՏՀ խորհրդի կողմից 2016 թվականին (Հանձնաժողովի խորհրդի 2022 թվականի ապրիլի 15-ի N 65 որոշման խմբագրմամբ):
29 Nov 2024 ԵՏՀ խորհուրդն ընդունել է օծանելիքակոսմետիկական արտադրանքի անվտանգության մասին տեխկանոնակարգում կատարված փոփոխությունները Եվրասիական տնտեսական հանձնաժողովի խորհուրդն ընդունել է «Օծանելիքակոսմետիկական արտադրանքի անվտանգության մասին» տեխնիկական կանոնակարգում կատարված փոփոխությունները։ Հստակեցվել է արտադրատեսակների վրա կիրառված օծանելիքակոսմետիկական արտադրանքի նկատմամբ տեխկանոնակարգի կիրառման շրջանակը։ Այս նորմը վերաբերում է, օրինակ, մանկական տակդիրների վրա կիրառված խոնավեցնող քսուկին կամ ջինսերի հակացելյուլիտային տոգորանյութին: Թարմացվել է տեխկանոնակարգի հայեցակարգային ապարատը։ Սահմանվել է օծանելիքակոսմետիկական արտադրանքի բաղադրիչների թունաբանական բնութագրերի վերլուծության հիման վրա՝ հաշվարկային մեթոդով, առանց լաբորատոր կենդանիների օգտագործման թունաբանական գնահատման հնարավորությունը: Բերանի խոռոչի հիգիենայի միջոցների փաթեթավորման առնչությամբ սահմանվել է առաջին բացման նկատմամբ վերահսկողության անհրաժեշտության պահանջ: Նաև ներդրվում օծանելիքակոսմետիկական արտադրանքի անվանումներում գրանցված դեղերի կամ բժշկական արտադրատեսակների առևտրային անվանումների օգտագործման արգելք։ Տեխկանոնակարգով սահմանված օծանելիքակոսմետիկական արտադրանքի պետական գրանցման և համապատասխանության հայտարարագրման սխեմաներն ու ընթացակարգերը համապատասխանեցվել են համապատասխանության գնահատման հաստատված տիպային սխեմաներին՝ հաշվի առնելով տեխկանոնակարգի կիրառման պրակտիկան: Փոփոխությունների ուժի մեջ մտնելը դրական ազդեցություն կգործի ինչպես սպառողների, այնպես էլ արտադրողների վրա։ Փոփոխությունները միանշանակ պահանջներ են սահմանում այն դեպքերում, երբ առկա է հստակեցման կարիք անհրաժեշտություն։ Օրինակ՝ ընտանեկան կոսմետիկայի մասով բազմաթիվ հարցեր և հակասություններ էին ծագում՝ արդյո՞ք անհրաժեշտ է այս արտադրանքի նկատմամբ պահանջներ կիրառել որպես մանկական արտադրանքի, չէ՞ որ ընտանիքում կարող են լինել երեխաներ։ Փոփոխությունները սահմանում են, որ ընտանեկան կոսմետիկայի փաթեթավորման վրա պարտադիր պետք է նշվի օգտագործողների նվազագույն տարիքը, որից ելնելով՝ կիրառվելու են այս կամ այն պահանջները։ Փոփոխություններն ուժի մեջ կմտնեն դրանց պաշտոնական հրապարակումից մեկ տարի հետո, բացառությամբ առանձին դրույթների։ Տեխկանոնակարգի փոփոխությունների անցումային դրույթները կսահմանի ԵՏՀ հոլեգիան առանձին որոշմամբ։
29 Nov 2024 Անդամ պետության լիազոր մարմնի նախաձեռնությամբ ԵԱՏՄ-ում կհայտնվի դեղերի գրանցման նոր ընթացակարգ Եվրասիական տնտեսական հանձնաժողովի խորհուրդն ընդունել է Եվրասիական տնտեսական միությունում դեղամիջոցների գրանցման կանոնների փոփոխությունների նախագիծը, որոնք վերաբերում են անդամ պետության լիազոր մարմնի նախաձեռնությամբ այլ անդամ պետություններում գրանցված բժշկական կիրառության դեղերի գրանցման արդյունքների ճանաչման ընթացակարգի ներդրմանը: Նոր ընթացակարգը կարող է կիրառվել լիազոր մարմնի որոշմամբ՝ պետության շուկայում դեղերի անալոգների գրանցման բացակայության դեպքում։ Գրանցումը կիրականացվի առանց տուրքի (կամ գրանցման համար սահմանված այլ վճարի) վճարման, ռեֆերենտ պետությունում կատարված փորձաքննության տվյալների հիման վրա։ Ընթացակարգն ուղղված է անդամ պետություններում վաճառքների ակնկալվող ցածր ծավալներ ունեցող, դեղագործական արտադրողի համար առևտրային գրավչություն չներկայացնող և այս կապակցությամբ այդ անդամ պետությունում գրանցման համար չներկայացվող դեղամիջոցների բավականաչափ տեսականու ապահովման խնդրի լուծմանը: Նման դեղամիջոցներն անհրաժեշտ են առողջապահական համակարգի համար, քանի որ օգտագործվում են (որպես կանոն, կամ փոքր ծավալներով, կամ ոչ հաճախ) բժշկական օգնություն ցուցաբերելու համար:
27 Nov 2024 Թարմացվել է «Հացահատիկի անվտանգության մասին» տեխկանոնակարգի ստանդարտների ցանկը Եվրասիական տնտեսական հանձնաժողովի կոլեգիան հաստատել է «Հացահատիկի անվտանգության մասին» Մաքսային միության տեխնիկական կանոնակարգի (ՄՄ ՏԿ 015/2011) մեթոդների ստանդարտների ցանկն արդիականացված խմբագրությամբ։ Ստանդարտների ցանկում ներառվել է 165 փաստաթուղթ, այդ թվում՝ 89 նոր կամ թարմացված: Դրանց թվում են 96 միջպետական ստանդարտ, ներառյալ 28 միջպետական ստանդարտ՝ ISO (ԻՍՕ) միջազգային ստանդարտների և EN և CEN տարածաշրջանային ստանդարտների հիման վրա, Բելառուսի Հանրապետության 9 պետական ստանդարտ, Ղազախստանի Հանրապետության 15 ազգային ստանդարտ, Ռուսաստանի Դաշնության 16 ազգային ստանդարտ և հետազոտությունների (փորձարկումների) և չափումների 29 մեթոդիկա (մինչև համապատասխան միջպետական ստանդարտների մշակումը և նշված ցանկում դրանց ընդգրկումը): Փորձարկման լաբորատորիաների ժամանակին հավատարմագրման համար, հաշվի առնելով ստանդարտների ցանկում առաջին անգամ ներառված ստանդարտներն ու մեթոդիկաները, որոշվել է, որ ստանդարտների թարմացված ցանկն ուժի մեջ է մտնում պաշտոնական հրապարակման օրվանից 180 օրացուցային օր հետո:
26 Nov 2024 Ուժի մեջ են մտել խաղալիքների մասին Միության տեխկանոնակարգի փոփոխությունները Այս տարվա նոյեմբերի 26-ին ուժի մեջ են մտել «Խաղալիքների անվտանգության մասին» Եվրասիական տնտեսական միության տեխկանոնակարգում (ՄՄ ՏԿ 008/2011) կատարվող փոփոխությունները, որոնք ընդունվել են Եվրասիական տնտեսական հանձնաժողովի խորհրդի 2024 թվականի մայիսի 14-ի № 50 որոշմամբ: Փոփոխությունները հստակեցնում են տեխնիկական կանոնակարգի կիրառման ոլորտը։ Մասնավորապես, հստակ նշված են արտադրանքի այն տեսակները, որոնք չեն վերաբերում խաղալիքներին: Դրանք են, օրինակ, հուշանվերները, համակարգչային խաղերը, բույսերի աճեցման հավաքածուները և մի շարք այլ ապրանքներ։ Տեխնիկական կանոնակարգը նաև լրացվել է հասկացություններով, որոնց անհրաժեշտությունն առաջացել է դրա կիրառման ընթացքում։ Դրանց թվում են «տնային օգտագործման բատուտը (բատուտ)», «ակտիվ հանգստի համար նախատեսված խաղալիքը», «խաղալիքի առևտրային անվանումը», «թռչող խաղալիքը», «չխկչխկանը», «էլեկտրամեխանիկական խաղալիքը» և այլն։ Պահանջներ են սահմանվել քիմիական խաղալիքներում և քիմիական նյութեր պարունակող և քիմիական փորձերի համար նախատեսված հավաքածուներ չհանդիսացող խաղային հավաքածուներում քիմիական նյութերի կամ ռեակտիվների պարունակության նկատմամբ: Ճշգրտվել են խաղալիքների հիգիենիկ անվտանգության պահանջները, վտանգի մասին նախազգուշացնող տեղեկատվությանը և առավելագույն վտանգ ներկայացնող խաղալիքների անվտանգ օգտագործման համար ձեռնարկվող միջոցներին ներկայացվող պահանջները։ ԵՏՀ կոլեգիայի 2024 թվականի օգոստոսի 6-ի № 91 որոշմամբ սահմանվել է փոփոխությունները գործողության մեջ դնելու կարգը, որը նախատեսում է փուլային անցում նոր պահանջներին։ Այսպես, խաղալիքների համար մինչև 2024 թվականի նոյեմբերի 26-ը տրված հավաստագրերը վավերական են մինչև դրանց գործողության ժամկետի ավարտը։ Ընդ որում, ԵԱՏՄ շուկայում խաղալիքների արտադրությունն ու շուկայահանումը նման հավաստագրերի առկայության դեպքում թույլատրվում է մինչև դրանց վավերականության ժամկետի ավարտը, իսկ ԵԱՏՄ շուկայում շրջանառությունը՝ խաղալիքների ծառայության ժամկետի կամ պահպանման ժամկետի ընթացքում։
26 Nov 2024 Փոփոխություններ են կատարվել կոսմետիկական արտադրանքի միջպետական ստանդարտների մշակման ծրագրում Եվրասիական տնտեսական հանձնաժողովի Կոլեգիան հաստատել է «Օծանելիքակոսմետիկական արտադրանքի անվտանգության մասին» տեխնիկական կանոնակարգի (ՄՄ ՏԿ 009/2011) իրականացումն ու կիրառումը ապահովող միջպետական ստանդարտների մշակման ծրագրի փոփոխությունները: Նախատեսվում է մշակել մեկ նոր և վերանայել երկու գործող միջպետական ստանդարտ։ Որոշման նախագծով նախատեսվում է նաև 15 դիրքի հանում, որոնց համար միջպետական ստանդարտներն արդեն մշակված են։ Մշակման ենթակա միջպետական ստանդարտը վերաբերում է օծանելիքակոսմետիկական արտադրանքի մանրէաբանական ցուցանիշների վերահսկմանը։ Կվերանայվեն օծանելիքակոսմետիկական արտադրանքի փաթեթավորման ստանդարտը, ինչպես նաև հոտառության զարգացման համար նախատեսված սեղանի խաղերի և օծանելիքակոսմետիկական արտադրանքի պատրաստման համար նախատեսված հավաքածուների ստանդարտը՝ EN ստանդարտի նորացված տարբերակը հաշվի առնելով դրա արդիականացման համար:
Ցուցադրել ավելին

Պաշարներ ԵՏՄ