қаз

Экономика және қаржы саясаты

Экономика және қаржы саясаты жөніндегі​ Алқа мүшесі (Министр) Сұлтанов Бақыт Тұрлыханұлы
Төрағаның қабылдау бөлмесі тел. 8 (495) 669-24-07

тақырыбы бойынша жаңалықтар «Экономика және қаржы саясаты»

10 ақпанның 2025 ДЗМҰ-да ЕАЭО-дағы зияткерлік меншіктің бұзылуына кешенді шолу ұсынылды Женевадағы ДЗМҰ штаб-пәтерінде өткен Дүниежүзілік зияткерлік меншік ұйымының (ДЗМҰ) Құқықтарды қорғау жөніндегі консультативтік комитетінің бейінді сессиясында ЕЭК Кәсіпкерлік қызметті дамыту департаменті директорының орынбасары Нуржамал Ильясова Еуразиялық экономикалық комиссияның 2024 жылы дайындалған есебі негізінде Еуразиялық экономикалық одақ елдеріндегі зияткерлік меншік саласындағы жылдық құқық қолдану практикасының негізгі нәтижелерімен таныстырды. 2023 жылы ЕАЭО елдерінде зияткерлік меншік саласында 4 667 бұзушылық тіркелді, 5,8 млн контрафактілік тауар анықталды. Бұзушылықтардың басым көпшілігі — 91%-дан астам немесе 4256 жағдай сауда белгілеріне арналған құқықтармен байланысты. Бұдан кейін авторлық құқық пен сабақтас құқықтардың бұзылуы (шамамен 8% немесе 366 жағдай) және патенттік құқықтардың бұзылуы (0,1% немесе 5 жағдай) тұр. "Соңғы бес жыл ішінде ЕАЭО елдерінде зияткерлік меншік саласында 46 мыңнан астам бұзушылық анықталды, 60 млн астам контрафактілік тауар алып қойылды", — деді Нуржамал Ильясова. Комиссия баяндамасында мүше мемлекеттердің уәкілетті органдары ұсынған ақпарат ескерілгенін атап өткен жөн. ЕЭК солармен бірге осы саладағы жағдаяттың барынша ашық болуы үшін бар күшін салады. Бұл контрафактінің ЕАЭО-ның ортақ нарығына түсуін болдырмау және тиісті салдарды жою үшін неғұрлым тиімді шаралар қабылдауға көмектеседі. ДЗМҰ – Біріккен Ұлттар Ұйымы жүйесінің мамандандырылған мекемесі, 193 мемлекет оның мүшесі болып табылады. 2019 жылы ЕЭК пен ДЗМҰ Өзара түсіністік туралы меморандум жасасты. Техникалық көмек көрсету және зияткерлік меншік құқықтарын қорғау саласында үйлестіруді жүзеге асыру мандаты бар Құқықтарды қорғау жөніндегі консультативтік комитетті ДЗМҰ Бас Ассамблеясы 2002 жылы құрды.
28 қаңтардың 2025 ЕАЭО-да бағалы қағаздар нарығындағы қызметті үндестіре реттеу үшін жағдай жасалады 27 қаңтарда Еуразиялық экономикалық комиссия Алқасы ЕЭК Кеңесінің "Бағалы қағаздар нарығын реттеу саласында пайдаланылатын негізгі ұғымдар мен айқындамалар бөлігінде ЕАЭО-ға мүше мемлекеттердің заңнамасын үндестіру және бағалы қағаздар нарығындағы нарықтық делдалдарға (брокерлерге) қойылатын талаптарды белгілеу жөніндегі келісілген ұсыныстар туралы" ұсынымының жобасын мақұлдады. Ұсыным және келісілген ұсыныстар ЕАЭО туралы шартқа, Шартқа № 17 қосымшаға (Қаржы қызметтері жөніндегі хаттама), Ортақ қаржы нарығын қалыптастыру тұжырымдамасына,Заңнаманы үндестіру туралы келісімге және Одақ мемлекеттерінің қаржы нарығы саласындағы заңнамасын үндестіру жөніндегі іс-шаралар жоспарына сәйкес әзірленген. Құжатта бағалы қағаздар нарығын реттеу саласындағы ұлттық заңнаманы жетілдіру және халықаралық шарттарды әзірлеу кезінде заңнаманың негізгі ұғымдары мен айқындамаларын үндестіру, бағалы қағаздар нарығындағы брокерлерге қойылатын талаптарды белгілеу жөніндегі келісілген ұсыныстарды ескеру бойынша Одақ мемлекеттеріне арналған ұсынымдар қамтылған. ЕЭК Экономика және қаржы саясаты жөніндегі министрі Бақыт Сұлтанов атап өткендей, үндестіру жөніндегі келісілген ұсыныстар ЕАЭО мемлекеттерінде қолданыстағы заңнаманы салыстырмалы-құқықтық талдау қорытындылары бойынша дайындалған. "Бұл біздің нарықта ашықтық пен өзара сенімділікті қамтамасыз ететін бірыңғай қаржы кеңістігін құрудағы маңызды қадам", – деп атап көрсетті Бақыт Сұлтанов. Заңнаманы үндестіру жөніндегі келісілген ұсыныстарда бағалы қағаздар нарығындағы брокерлерге қаржылық көрсеткіштер, тәуекелді басқару жүйелері, ішкі бақылау, брокердің ұйымдық құрылымы, клиенттермен және реттеушімен өзара іс-қимыл, сондай-ақ есептілік пен ақпаратты ашу бөлігінде қойылатын талаптарды реттеуге орайлас тәсілдемелер тұжырымдалған. Алқа мақұлдаған ұсынымдар мен заңнаманы үндестіру жөніндегі келісілген ұсыныстар бекітілу үшін Комиссия Кеңесінің қарауына ұсынылатын болады.
26 желтоқсанның 2024 ЕАЭО елдерінің басшылары бірыңғай қызметтер нарығының қызметін талқылады 26 желтоқсанда Ленинград облысында (РФ) өткен Жоғары Еуразиялық экономикалық кеңестің отырысында Еуразиялық экономикалық одақ мемлекеттерінің басшылары Еуразиялық экономикалық комиссияның бірыңғай қызметтер нарығының қызметі және бірлестік аясындағы қызметтердің жекелеген секторларын ырықтандыру туралы баяндамаларын қарады. Бірыңғай қызметтер нарығының қызметі туралы баяндамада оны қалыптастырудың негізгі кезеңдері, ағымдағы ахуал баяндалған, ЕАЭО мемлекеттерінің қызмет жеткізушілерінің кедергісіз қол жеткізуі жолындағы жойылған кедергілер аталған. Бұдан басқа, бірыңғай қызметтер нарығын одан әрі дамыту үшін мүмкіндіктер айқындалды және Одақ елдерінің бизнесі үшін артықшылықтар белгіленді. Баяндама қорытындылары бойынша жасалған ұсыныстарды Комиссия және қатысушы елдердің реттеушілері толыққанды бірыңғай нарықты қалыптастыруға ықпал ететін қызметтер саудасын ырықтандыру механизмдерін жетілдіру үшін пайдаланатын болады. ЕЭК экономика және қаржы саясаты министрі Бақыт Сұлтанов құжатқа түсініктеме бере отырып, бүгінгі таңда ЕАЭО қызметтерінің бірыңғай нарығында 142 сектор бар екенін, бұл барлық қызмет көрсету секторларының шамамен 31% құрайтынын атап өтті. «Бұл оның өсуі үшін әлеуетінің бар екендігін айғақтайды және ЕАЭО қызметтерінің бірыңғай нарығын қалыптастыру және оның толыққанды қызметін қамтамасыз ету жөніндегі одан әрі жұмыстың бағыттарын белгілеуге мүмкіндік береді», – деп атап өтті ЕЭК министрі. Ырықтандыру жоспарларын іске асыру туралы баяндама аясында туризм, метеорология, маркшейдерлік түсірілім, мүлікті бағалау, құрылыс жұмыстары және кинематография саласындағы қызметтер негізгі бағыттарға айналды. 18 сектор бойынша жоспарларды орындау нәтижесінде олардың 10-ы бірыңғай қызметтер нарығына ауыстырылды, ал тағы екі секторды – жерасты және жер үсті маркшейдерлік түсірілім қызметтерін ауыстыруды аяқтау соңғы сатыда тұр. «Комиссия тағы сегіз сектордағы құзыретті органдар арасында әкімшілік ынтымақтастық туралы келісімдер жасасу үшін Одақ елдерімен белсенді өзара іс-қимыл жасайды. Бұл ынтымақтастық осы секторлардың бірыңғай нарық режимінде табысты жұмыс істеуі үшін қосымша жағдайлар жасайды», – деп түйіндеді Бақыт Сұлтанов.
12 желтоқсанның 2024 ЕАЭО елдері ортақ қаржы нарығын қалыптастыру және Одақтың қаржы саласындағы құқығын жетілдіру мәселелерін талқылады Еуразиялық экономикалық комиссиясының Алқасы жанындағы Қаржы нарығы жөніндегі консультативтік комитетте ортақ қаржы нарығын қалыптастыру және қаржы қызметтері саласындағы заңнаманы үйлестіру тәсілдері талқыланды. Отырыс Мәскеуде Комиссияның экономика және қаржы саясаты министрі Бақыт Сұлтановтың төрағалығымен ЕЭК-тің штаб-пәтерінде өтті. ЕАЭО-ның ортақ қаржы нарығын қалыптастыру тұжырымдамасы аясында еншілес ұйымдар және олардың коммерциялық қатысуы арқылы қаржы қызметтерін жеткізушілердің нарықтарына өзара қолжетімділікті қамтамасыз ететін стандартталған лицензия механизмін енгізу көзделген. Стандартталған лицензия бас ұйымның орналасқан елінің қаржылық реттеушісі беретін арнайы рұқсатты білдіреді. Бақыт Сұлтановтың айтуынша, бұл құжат банк және сақтандыру секторларында қызмет түрлерін жүзеге асыруға арналған лицензияларды өзара тану мақсатында жағдайлар жасауға бағытталған. Бұдан басқа, ол заңды және жеке тұлғалар үшін қаржылық қызметтердің қолжетімділігін, сапасын және әртүрлілігін арттыруға, сондай-ақ қаржы нарығында бәсекелестікті дамытуға арналған. «Келісім стандартталған лицензияны беру тәртібі мен шарттарын, ізденушіге және лицензиатқа қойылатын талаптарды, еншілес ұйымды құру немесе сатып алу тәртібін айқындайды», – деп атап өтті ЕЭК министрі.  Келісім жобасы банктер мен сақтандыру ұйымдарын қоса алғанда, қаржы қызметтерін ұсынушылардың ұлттық қаржы нарықтарына өзара қолжетімділігін белгілейді, бұл еншілес ұйым түрінде заңды тұлғаны құру немесе сатып алу процесін жеңілдетуге мүмкіндік береді. Сонымен қатар Консультативтік комитет мүшелері бағалы қағаздар нарығын реттеу саласындағы негізгі ұғымдар мен анықтамалар бөлігінде ЕЭК Кеңесінің Одақ мемлекеттерінің заңнамасын үйлестіру және нарық делдалдарына (брокерлеріне) қойылатын талаптарды белгілеу жөніндегі келісілген ұсыныстары туралы ұсынымының жобасын қарастырды. Отырысқа қатысушылар банктер мен сақтандыру ұйымдарын ортақ қаржы нарығына жіберу саласындағы заңнаманы үйлестіруге, нарық делдалдарына (дилерлеріне) қойылатын талаптарды белгілеуге, бағалы қағаздармен биржалық сауда инфрақұрылымын дамытуға, қылмыстық жолмен алынған кірістерді заңдастыруға қарсы іс-қимыл жөніндегі шараларды жетілдіруге бағытталған Комиссия Кеңесі ұсынымдарының жобаларымен жүргізілген жұмыс туралы ақпарат алды.
Тағы да көрсету

Қызметі

ЕЭК түсіндірмесі
Алкоголь саласын реттеу
Қаржы органдарының ресми сайттары мен электрондық мекенжайлары
Зияткерлік меншік саласындағы объектілердің тізілімдері
Қызметтер көрсету саудасын және инвестицияларды реттеу
Ырықтандыру жоспарлары жөніндегі жұмыс топтары

тақырыбы бойынша шешімдер «Экономика және қаржы саясаты»

нормативтік құжаттар

Бағыт бойынша материалдар

14 желтоқсанның 2016 ЕЭК Экономика және қаржы саясаты жөніндегі министрі хатшылығының басшысы, з.ғ.д. Асқар Кішкембаевтің «Казахстанская правда» газетіндегі сұхбаты: «Тәуелсіз Қазақстанның посткеңестік кеңістіктегі интеграциялық бастамалары. Мәскеуден көзқарас» Қазақстан Республикасының басты ұлттық мерекесі – Тәуелсіздік күніне небары бірнеше күн қалды. 1991 жылы бұл күні еліміздің Жоғары Кеңесі Республиканың тәуелсіздігі және Қазақстанның мемлекеттік егемендігі туралы заңды қабылдады.
18 қарашаның 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады 09 қарашаның 2016 Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады ​​Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар? ​
ЕЭК Экономика және қаржы саясаты жөніндегі министрі Тимур Сүлейменовтің БелТА АА-ға берген сұхбаты: «Беларусь ЕАЭО-дағы интеграциялық процестерде өзекті рөл атқарады» 24 қазанның 2016 ЕЭК Экономика және қаржы саясаты жөніндегі министрі Тимур Сүлейменовтің БелТА АА-ға берген сұхбаты: «Беларусь ЕАЭО-дағы интеграциялық процестерде өзекті рөл атқарады» Беларусь, Ресей, Қазақстан, Армения және Қырғызстан екі жыл бойы Еуразиялық экономикалық одақ жағдайында тіршілік етуде, белгілі бір сын-қатерлерге кезігуде және оларға бірлесіп қарсы тұруға әрекет етуде. Қазанның аяғында Минск Одақ шеңберіндегі кезекті ірі кездесуді қабылдайды – Беларусь астанасында Еуразиялық үкіметаралық кеңестің отырысы өтпек. Осы маңызды іс-шара қарсаңында БЕЛТА тілшісі 2016 жыл ЕАЭО үшін не бергенін, қатарлас импорт пен кеден баждары мөлшерлемелерін белгілеудің проблемалық мәселелері қалай шешілетінін және бірыңғай қаржы нарығын құру бойынша қандай шаралар қабылданып жатқанын білу үшін Еуразиялық экономикалық комиссияның Экономика және қаржы саясаты жөніндегі Алқа мүшесі (министр) Тимур Сүлейменовпен кездесті. ​
0/0

ЕАЭО ресурстары