Сұлтанов Бақыт Тұрлыханұлы

Сұлтанов Бақыт Тұрлыханұлы

Өмірбаян

1971 жылы 29 қарашада Қазақстан Республикасының Алматы қаласында туған.

1994 жылы Қазақ ұлттық техникалық университетін инженер-электрик мамандығы бойынша, 1995 жылы Қазақ мемлекеттік басқару академиясын экономист мамандығы бойынша бітірген.

Еңбек қызметін 1994 жылы Қазақстан Республикасы Қаржы министрлігінің Қаржы нарығының бағалы қағаздары басқармасы акционерлеу және лицензиялау бөлімінің жетекші экономисі болып бастады.

1995 жылдан бастап Қазақстан Республикасы Қаржы министрлігі Бюджет департаментінің бөлім бастығы, кейін 1996 жылы - басқарма бастығының орынбасары, 1997 жылы - департамент директорының орынбасары, 1998 жылы - Мемлекеттік сатып алу департаментінің директоры, 1999 жылы - Қазынашылық департаменті директорының орынбасары, 2001 жылы - Бюджет департаменті директорының орынбасары, 2002 жылы - Мемлекеттік бюджет департаментінің директоры болып тағайындалды.

2002 жылғы қыркүйектен 2003 жылғы маусымға дейін - Қазақстан Республикасы Экономика және бюджеттік жоспарлау министрлігі Бюджеттік саясат және жоспарлау департаментінің директоры.

2003 жылғы маусымнан 2006 жылғы ақпанға дейін - Қазақстан Республикасы Экономика және бюджеттік жоспарлау вице-министрі.

2006 жылғы ақпаннан бастап 2007 жылғы қаңтарға дейін - Қазақстан Республикасы Статистика агенттігінің төрағасы.

2007 жылғы қаңтардан бастап 2007 жылғы 10 тамызға дейін - Қазақстан Республикасының Қаржы вице-министрі.

2007 жылғы 10 тамыздан бастап - Қазақстан Республикасының Экономика және бюджеттік жоспарлау министрі.

2010 жылғы 13 наурызда Президенттің Жарлығымен Қазақстан Республикасы Президентінің көмекшісі болып тағайындалды.

2012 жылғы 21 қаңтардан бастап 2013 жылғы 6 қарашаға дейін - Қазақстан Республикасы Президенті Әкімшілігі басшысының орынбасары.

2013 жылғы 6 қарашадан бастап 2018 жылғы 11 қыркүйекке дейін - Қазақстан Республикасы Премьер-министрінің орынбасары және Қазақстан Республикасының Қаржы министрі.

2018 жылғы 11 қыркүйектен бастап 2019 жылғы 13 маусымға дейін Астана қаласының әкімі болды.

2019 жылғы 17 маусымда Қазақстан Республикасының Сауда және интеграция министрі болып тағайындалды.

2022 жылғы 11 қаңтардан бастап 15 тамызға дейін - Қазақстан Республикасы Премьер-министрінің орынбасары - Сауда және интеграция министрі.

Жоғары Еуразиялық экономикалық кеңестің 2022 жылғы 6 қазандағы шешімімен ЕЭК Бәсекелестік және монополияға қарсы реттеу жөніндегі Алқа мүшесі (Министрі) болып тағайындалды.

Жоғары Еуразиялық экономикалық кеңестің шешімімен 2024 жылғы 1 ақпаннан бастап ЕЭК экономика қаржы саясаты жөніндегі Министрі болып тағайындалды.
Қазақстан Республикасы Президентінің (2001 ж.), Қазақстан Республикасы Премьер-министрінің (2005 ж.) алғыс хаттарымен, "Астанаға 10 жыл" (2008 ж.), "Қазақстан Республикасы Парламентіне 10 жыл" (2006 ж.), "Қазақстан Республикасының тәуелсіздігіне 20 жыл" (2011 ж.), "Қазақстан Республикасының Конституциясына 20 жыл" (2015 ж.), "Астанаға 20 жыл" (2018 ж.), Қаржы қызметінің үздігі (2014 ж.) медальдарымен марапатталған.

«Құрмет» (2006 ж.), «Парасат» (2012 ж.), ІІІ дәрежелі «Барыс» (2021 ж.) ордендерінің иегері.

 

 

18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
ЕЭК Экономика және қаржы саясаты жөніндегі министрі Тимур Сүлейменовтің БелТА АА-ға берген сұхбаты: «Беларусь ЕАЭО-дағы интеграциялық процестерде өзекті рөл атқарады» 24 2016 ЕЭК Экономика және қаржы саясаты жөніндегі министрі Тимур Сүлейменовтің БелТА АА-ға берген сұхбаты: «Беларусь ЕАЭО-дағы интеграциялық процестерде өзекті рөл атқарады» Беларусь, Ресей, Қазақстан, Армения және Қырғызстан екі жыл бойы Еуразиялық экономикалық одақ жағдайында тіршілік етуде, белгілі бір сын-қатерлерге кезігуде және оларға бірлесіп қарсы тұруға әрекет етуде. Қазанның аяғында Минск Одақ шеңберіндегі кезекті ірі кездесуді қабылдайды – Беларусь астанасында Еуразиялық үкіметаралық кеңестің отырысы өтпек. Осы маңызды іс-шара қарсаңында БЕЛТА тілшісі 2016 жыл ЕАЭО үшін не бергенін, қатарлас импорт пен кеден баждары мөлшерлемелерін белгілеудің проблемалық мәселелері қалай шешілетінін және бірыңғай қаржы нарығын құру бойынша қандай шаралар қабылданып жатқанын білу үшін Еуразиялық экономикалық комиссияның Экономика және қаржы саясаты жөніндегі Алқа мүшесі (министр) Тимур Сүлейменовпен кездесті. ​
0/0