Жаңалықтар

01.04.2024 (Обновлено: 03.04.2024 16:15)

1 сәуірде жеке пайдалануға арналған тауарларды бажсыз әкелудің уақытша "көтеріңкі" нормаларының қолданылу кезеңі аяқталды

Еуразиялық экономикалық комиссия халықаралық пошта жөнелтілімдерінде жөнелтілетін және тасымалдаушы жеткізетін, сондай-ақ сүйемелді алып жүрілетін және (немесе) сүйемелді алып жүрілмейтін жолжүгінде жер үсті көлігімен немесе жаяу әкелінетін жеке пайдалануға арналған тауарларды бажсыз әкелудің уақытша "көтеріңкі" нормаларының қолданылу мерзімі 2024 жылғы 1 сәуірде аяқталғанын хабарлайды.


1 сәуірден бастап нормалар былай құралды:

200 еуро және 31 кг – пошта немесе тасымалдаушы арқылы жеткізу үшін.

500 еуро және 25 кг – жер үстімен алып өту үшін.

"Көтеріңкі" нормалар 2022 жылғы сәуірден бастап қолданыста болды (алдымен пошта мен тасымалдаушы жеткізетін тауарлар, содан кейін жер үсті көлігі үшін нормалар көтерілді). Олар 1000 еуро және 31 кг құрады (Армения Республикасын қоспағанда, ол үшін жер үсті көлігінің нормалары 500 еуро және 25 кг деңгейінде сақталды).