Жаңалықтар

08 сәуірдің 2025 Давид Геворгян ЕЭК-тің Істерді басқару департаменті директорының орынбасары болып тағайындалды Давид Левонович Геворгян 1986 жылы 28 сәуірде Ереван қаласында туған. 2007 жылы Халықаралық кәсіпкерлік академиясын бітірген. 2007 жылдан 2012 жылға дейін Арменияның "Ардеф" даму қорында жұмыс істеді, соның ішінде соңғы үш жылда оның басшысы болды. 2012-2016 жылдары Армения Республикасы Ұлттық қауіпсіздік кеңесі аппаратының Ұлттық қауіпсіздік стратегиясын іске асыру департаментінің экономикалық және әлеуметтік қауіпсіздік стратегиясын іске асыру жөніндегі бірінші бөлімінің бас маманы болып істеді. 2016-2018 жылдары Армения Республикасы Президенті Аппараты басшысының көмекшісі болды. 2018-2022 жылдары Армения Республикасы Вице-премьер-министрінің протоколын басқарды. 2022-2025 жылдары Еуразиялық экономикалық комиссияның Ішкі нарықтар, ақпараттандыру, ақпараттық-коммуникациялық технологиялар жөніндегі министрінің көмекшісі болды. 2025 жылғы 1 сәуірден бастап Еуразиялық экономикалық комиссияның Істерді басқару департаменті директорының орынбасары болып тағайындалды.

08 сәуірдің 2025 Александр Титов ЕЭК-тің Кеден заңнамасы және құқық қолдану практикасы департаменті директорының орынбасары болып тағайындалды Александр Анатольевич Титов 1965 жылы 12 қарашада Ресей Федерациясының Уфа қаласында туған. 1987 жылы Уфа мемлекеттік авиация институтын бітірген. 1989-1991 жылдары әскер қатарында қызмет етті. 1992-2001 жылдары Уфа кеденінде жұмыс істеп, инспектордан бастықтың орынбасарына дейінгі жолдан өтті. 2001-2004 және 2011-2014 жылдары Ресей кеден қызметінің Украинадағы Өкілдігінде қызмет етті. 2014-2024 жылдары Федералдық кеден қызметінің орталық аппаратында әртүрлі лауазымда жұмыс істеді. Соңғы атқарған қызметі — "Ресей ФКҚ Мониторинг және жедел бақылау орталығы" Бас басқармасы бастығының орынбасары лауазымы. 2024-2025 жылдары Еуразиялық экономикалық комиссияның Кеден заңнамасы және құқық қолдану практикасы департаментінің директоры болып істеді. Ведомстволық және мемлекеттік наградаларға ие. 2025 жылғы 1 сәуірден бастап Еуразиялық экономикалық комиссияның Кеден заңнамасы және құқық қолдану практикасы департаменті директорының орынбасары болып тағайындалды.

01 сәуірдің 2025 Бақытжан Сағынтаев Масуд Пезешкианды Иран Ислам Республикасының күнімен құттықтады Бүгін Иранда ұлттық мереке — Ислам Республикасы күні атап өтіледі. Еуразиялық экономикалық комиссия Алқасының Төрағасы Бақытжан Сағынтаев Иран Ислам Республикасының Президенті Масуд Пезешкианды және бүкіл иран халқын осы мерекемен құттықтады. "ЕАЭО мемлекеттері мен Иранның өзара тиімді ынтымақтастығы алдағы уақытта да біздің елдеріміздің халықтарының игілігі жолында тереңдей түсетініне сенімдімін", – деп атап өтті ЕЭК Алқасының басшысы құттықтау хатында. Бақытжан Сағынтаев Комиссия атынан және жеке өз атынан Иранға өркендеу мен құт-береке тіледі. Иран 2024 жылғы 26 желтоқсаннан бастап Жоғары Еуразиялық экономикалық кеңестің шешіміне сәйкес ЕАЭО жанындағы байқаушы мемлекет мәртебесіне ие болды.

01 сәуірдің 2025 Еуразиялық экономикалық комиссияда Наурыз мерекесі атап өтілді Еуразиялық экономикалық комиссияда әлемдегі, соның ішінде Еуразиялық экономикалық одақ елдеріндегі ең мағыналы, мәнді мерекелердің бірі – Наурызға арналған салтанатты іс-шара болып өтті. Наурыз Жаңа жылды, көктемнің келуін және сонымен байланысты табиғаттың жаңаруын бейнелейді. Ол даму мен өркендеуді, келісім мен бірлікті, қамқорлық пен қонақжайлылықты білдіреді. "Бүгін біз теңдік, достық, жасампаздық қағидаттарына негізделген интеграциялық бірлестік құрып жатырмыз. Наурыз мерекесі философиясының негізінде нақ осы жатады", — деді ЕЭК Алқасының Төрағасы Бақытжан Сағынтаев іс-шара қонақтарына. Комиссияның штаб-пәтері бір күнге Шығыстың әсем бұрышына айналды – мұнда киіз үйлер орнатылды, өрнекті кілемдер жайылды, кескіндеме экспозициясы ашылды, қолөнер шеберлерінің өнері ұйымдастырылды. Мерекенің шығармашылық мазмұнын ЕЭК қызметкерлері қамтамасыз етті: олардың орындауында әндер, аспаптық композициялар шырқалды, халықтардың дәстүрі мен әдет-ғұрпына негізделген би нөмірлерін көрсетті. Іс-шарада ұлттық тағамдардың дәмін сынау болып өтті. 2009 жылы ЮНЕСКО Наурыз мерекесін адамзаттың материалдық емес мәдени мұрасы тізіміне енгізді. Мерекені бүкіл әлемде, соның ішінде Орталық Азияда, Кавказда, Балқанда, Таяу Шығыста, Қара теңіз бассейні елдерінде және басқа Выноска өңірлерде 300 миллионнан астам адам жаңа жылдың басталуы ретінде атап өтеді.

28 наурыздың 2025 Бақытжан Сағынтаев: "Комиссия ЕАЭО-ның таңдаулы технологиялық шешімдермен толтырылған бірыңғай цифрлық кеңістігін құру жолында жұмыс істеуде" Еуразиялық экономикалық комиссия Алқасының Төрағасы Бақытжан Сағынтаев ТМД-ға қатысушы мемлекеттердің Халықаралық экономикалық форумының "Үлкен Еуразиялық әріптестікті дамыту үшін жаңа серпім. Ғылыми-технологиялық және инновациялық ынтымақтастық" пленарлық отырысына қатысты. Іс-шараға қатысушыларға сәлемдесу сөзін арнай отырып, Бақытжан Сағынтаев форумның пленарлық сессиясы тақырыбының барлық ел үшін, соның ішінде Еуразиялық экономикалық одақ үшін өзектілігін атап өтті. Ғылыми-технологиялық және инновациялық даму Еуразиялық экономикалық одақ елдері экономикасының одан әрі өсуінің тиімді құралдарының бірі болып табылады. Еуразиялық "бестікке" мүше барлық мемлекетте үдемелі ғылыми-технологиялық дамуды қамтамасыз ететін стратегиялық және бағдарламалық құжаттар бекітілген. ЕАЭО-ны экономикалық қатынастардың әлемдік архитектурасына кіріктіру, экспортты ұлғайту, инвестициялар мен технологияларды тарту жөніндегі міндеттер ұлтүсті деңгейінде шешілуде. Еуразиялық экономикалық комиссияның жұмыс істеуі кезінде үшінші елдермен және халықаралық ұйымдармен ынтымақтастық туралы жүзге жуық меморандумға қол қойылды, бұл тәжірибе алмасуға, соның ішінде озат инновациялық әзірлемелер бөлігінде тәжірибе алмасуға мүмкіндік береді. "Экономиканың барлық саласындағы цифрлық трансформацияның жоғары қарқынын ескере отырып, Комиссия мемлекеттік органдар, бизнес және азаматтар арасындағы өзара іс-қимылды оңайлатуға бағдарланған бірыңғай цифрлық кеңістікті құру бойынша белсенді жұмыс істеуде. Біздің міндетіміз — барлық процесті тезірек, ыңғайлы және қауіпсіз жасау. Технологиялық шешімдерді іске асыру Digital Union тұжырымдамасына негізделген", — деп хабарлады ЕЭК Алқасының басшысы. Бақытжан Сағынтаев ЕАЭО шеңберінде интеграцияланған ақпараттық жүйенің ойдағыдай жұмыс істейтіні туралы айтып берді. Оның дамуы бес түрлі жүйенің бір экожүйеде болуына мүмкіндік беретін ұлтүсті инфрақұрылымын қалыптастырады. Қазіргі уақытта цифрландыру экономиканың бірқатар саласында серпінді дамып келеді. Көлік саласында қабылданып жатқан шаралар Одақ шеңберінде орнықты көлік-логистика тиянағын құра отырып, тасымалдардың "жіксіздігін" қамтамасыз етуге мүмкіндік береді. Энергетикадағы маңызды міндеттердің бірі – электр энергиясын өндіру құрылымын әртараптандыру. АӨК саласында ғылымды қажетсінетін тауарларды өндіру бойынша ынтымақтастықты одан әрі жолға қою перспективалы болып табылады. Бақытжан Сағынтаевтың сөзінше, инновациялар мен ғылыми-техникалық прогрестің озат жетістіктерін жедел игеру айтарлықтай дәрежеде әр ұлттық экономиканың бәсекеге қабілеттілігін айқындайды. Бұл міндетті іске асыру, соның ішінде диалог пен интеграциялық құрылымдардың тиімді өзара іс-қимылына ықпал ететін болады.

21 наурыздың 2025 Бақытжан Сағынтаев Наурыз мерекесімен құттықтады Еуразиялық экономикалық комиссия Алқасының Төрағасы Бақытжан Сағынтаев көктемгі Наурыз мерекесімен құттықтады. "Наурыз мерекесіне орай шын жүректен шыққан құттықтауымды қабыл алыңыздар. Бұл дәстүрлі түрде, соның ішінде Еуразиялық экономикалық одақ мемлекеттерінде, атап өтілетін әлемдегі ең көне мерекелердің бірі", – деп атап өтті Бақытжан Сағынтаев. Ғасырлар бойы Наурыз Жаңа жылды, көктемнің келуін және онымен байланысты табиғаттың жаңаруын бейнелейді. Ол өркендеу мен жасампаздықты, келісім мен өзара түсіністікті, қамқорлық пен қонақжайлылықты білдіреді. Бақытжан Сағынтаев Қазақстан Республикасының Президенті Қасым-Жомарт Тоқаевқа, Қырғыз Республикасының Президенті Садыр Жапаровқа, Иран Ислам Республикасының Президенті Масуд Пезешкианға, Өзбекстан Республикасының Президенті Шавкат Мирзиёевке құттықтау жолдады. Бақытжан Сағынтаев ЕЭК атынан және жеке өз атынан ЕАЭО елдері мен байқаушы мемлекеттердің халықтарына өркендеу мен амандық тіледі. 2010 жылғы 23 ақпанда БҰҰ Бас Ассамблеясы 21 наурызды Халықаралық Наурыз күні ретінде таныды. ЮНЕСКО-ның 2009 жылғы 30 қыркүйектегі шешімімен бұл мереке Адамзаттың материалдық емес мәдени мұрасының репрезентативті тізіміне кіргізілді. Мерекенің аты әртүрлі елде әртүрлі – Наурыз, Навруз, Ноуруз, Нооруз, Науруз деп аталады.

19 наурыздың 2025 Бақытжан Сағынтаев Өзбекстанның Ресейдегі Елшісі Ботиржон Асадовпен келіссөз жүргізді 19 наурызда Еуразиялық экономикалық комиссияның штаб-пәтерінде ЕЭК Алқасының Төрағасы  Бақытжан Сағынтаевтың Өзбекстан Республикасының Ресей Федерациясындағы Төтенше және Өкілетті Елшісі Ботиржон Асадовпен жұмыс кездесуі болып өтті. Әңгімелесу барысында Еуразиялық экономикалық одақ мемлекеттері мен Өзбекстанның сауда-экономикалық ынтымақтастығын одан әрі дамыту мәселелері бойынша жан-жақты пікір алмасу болды. Атап айтқанда, ЕЭК пен Өзбекстан Үкіметінің 2024-2026 жылдарға арналған бірлескен іс-шаралар жоспарын іске асыру қаралды. ЕЭК Алқасының Төрағасы қазіргі уақытта Өзбекстан ЕАЭО-ның ТМД елдеріндегі сауда әріптестері арасында бірінші орында тұрғанын атап көрсетті. "Өзбекстанның Еуразиялық" бестік " мемлекеттерімен сыртқы сауда айналымы 2024 жылы 2023 жылмен салыстырғанда 7,3% өсіп, 17,5 млрд АҚШ долларын құрады. Өзбекстанның барлық сыртқы сауда айналымының төрттен бірінен астамы ЕАЭО елдеріне тиесілі", – деп атап өтті Бақытжан Сағынтаев. Тараптар ЕЭК пен Өзбекстан Үкіметі арасындағы Өзара іс-қимыл туралы меморандум шеңберінде құрылған бірлескен жұмыс тобының қызметін атап өтті. Кездесу қорытындысы бойынша Бақытжан Сағынтаев Өзбекстан делегациясын 2025 жылғы маусымда Минскіде өтетін ЕАЭО-ның басты іскерлік іс-шарасы – Еуразиялық экономикалық форумға қатысуға шақырды.

15 наурыздың 2025 Бақытжан Сағынтаев Александр Лукашенконы Беларусь Республикасының Конституция күнімен құттықтады Бүгін Беларусь мемлекеттік мереке — Конституция күнін атап өтеді. Еуразиялық экономикалық комиссия Алқасының Төрағасы Бақытжан Сағынтаев Беларусь Республикасының Президенті, Жоғары Еуразиялық экономикалық кеңес Төрағасы Александр Лукашенконы және бүкіл белорус халқын осы мерекемен құттықтады. "Конституция Беларусьтың мемлекетілігінің берік іргетасы, қарқынды және орнықты дамуының сенімді кепілі екенін көрсетті", — делінген құттықтау хатта. Бақытжан Сағынтаев ЕЭК атынан және жеке өз атынан Беларусь еліне экономикалық өркендеу және құт-береке тіледі.

Жаңалықтар

ЕАЭО ресурстары