Жаңалықтар

06 Jul 2024 Бақытжан Сағынтаев Иран Ислам Республикасының Президенті лауазымына Масуд Пезешкианның сайлануымен құттықтады Еуразиялық экономикалық комиссия Алқасының Төрағасы Бақытжан Сағынтаев Масуд Пезешкианға президенттік сайлаудағы жеңісіне байланысты құттықтау жеделхатын жолдады. «Сіздің өмірлік бай тәжірибеңіз бен көреген саясатыңыз Иран Ислам Республикасының одан әрі дамуы мен өркендеуіне зор үлес қосатынына сенімдімін. Еуразиялық экономикалық одақ елдері достық пен өзара сыйластыққа негізделген Иран елімен жасалған мызғымас әріптестікті жоғары бағалайды. Ынтымақтастығымыздың жаңа мүмкіндіктерін нығайту және одан әрі ашу үшін өзара тығыз қарым-қатынасымызға сенеміз», — деді Бақытжан Сағынтаев. ЕЭК Алқасының Төрағасы Масуд Пезешкианға оның бастамаларына сәттілік, ал Иран халқына өркендеу тіледі.
04 Jul 2024 Бақытжан Сағынтаев: «ЕАЭО мен ЭЫҰ арасында тұрақты диалог орнату бірлескен міндеттерді тиімді шешуге ықпал ететін болады» Еуразиялық экономикалық комиссия Алқасының Төрағасы Бақытжан Сағынтаев 4 шілдеде Астанада Экономикалық ынтымақтастық ұйымының (ЭЫҰ) бас хатшысы Хусрав Нозиримен келіссөз жүргізді. Тараптар өзара қызығушылық тудыратын халықаралық өзара іс-қимылдың бірқатар мәселесін қарастырып, ынтымақтастықтың перспективалы бағыттарын талқылады. Бақытжан Сағынтаев ЕАЭО мен ЭЫҰ қызметтері бағытының ұқсастығын атап өтті. Осыған байланысты ЕЭК Алқасының Төрағасы көлік-логистика инфрақұрылымын құру мен дамытуды, сауда-экономикалық қатынастарды ырықтандыруды, цифрландыру және энергия ресурстары саласындағы ынтымақтастықты қоса, Еуразиялық кеңістіктегі интеграциялық процестерді ұштастыру бойынша тараптардың қолда бар әлеуетін пайдалануды ұсынды. «Кез келген интеграциялық процестерді ұштастыру халықаралық бірлестіктерге мүше мемлекеттер экономикасының әлеуетін қосымша ашуға ықпал етеді. ЕАЭО мен ЭЫҰ бірлескен міндеттерді шешу үшін тұрақты диалог орнатуға тиіс», — деп атап өтті Бақытжан Сағынтаев. Өзара қызығушылық тудыратын салаларды нақтылау үшін тараптар ЕЭК пен ЭЫҰ Хатшылығы арасындағы Өзара түсіністік туралы меморандум жобасын дайындау мүмкіндігін қарауға уағдаласты. ЕЭК Алқасының Төрағасы тәжірибе алмасудың әртүрлі нысанын белгілеу екі интеграциялық бірлестік елдерінің экономикалық дамуына бағытталған күш-жігерді үйлестіруге ықпал ететініне сенім білдірді. Бұдан басқа, Бақытжан Сағынтаев Хусрава Нозириді осы жылдың күзінде Ереванда өтетін Еуразиялық экономикалық форумға қатысуға шақырды. Экономикалық ынтымақтастық ұйымы (ЭЫҰ) — 1985 жылы құрылған өңірлік мемлекетаралық экономикалық ұйым. Оған он ел: Ауғанстан, Әзербайжан, Иран, Қазақстан, Қырғызстан, Пәкістан, Тәжікстан, Түрікменстан, Түркия және Өзбекстан кіреді. ЭЫҰ жұмысын үйлестіруді ЭЫҰ Хатшылығы жүзеге асырады.
04 Jul 2024 Бақытжан Сағынтаев Шанхай ынтымақтастық ұйымының саммитіне қатысты Еуразиялық экономикалық комиссия Алқасының Төрағасы Бақытжан Сағынтаев 4 шілдеде Астанада «ШЫҰ плюс» саммитіне қатысты. Көпжақты диалогты нығайту және орнықты бейбітшілік пен дамуға ұмтылу тақырыбы жоғары деңгейдегі кездесуде басты тақырыпқа айналды. Мемлекеттердің, үкіметтердің және халықаралық ұйымдардың басшылары мәселелердің кең спектрін қарастырды. Мәселен, саммит барысында Беларусь Республикасының ШЫҰ-ға толық құқылы мүше мемлекет ретінде қабылдау туралы өтінімі мақұлданды. Бұдан басқа, саммитке қатысушылар өңірдегі сауда-экономикалық өзара іс-қимылды талқылады. Бұл әсіресе ШЫҰ-ға қатысушы елдер экономикасының жоғары даму қарқынын ескере келгенде маңызды. Әлемдік ЖІӨ-нің 30%-дан астамы (38,5 трлн доллар), әлемдік сауданың 16%-дан астамы (5,5 трлн доллар), планета халқының 41%-дан астамы (3 млрд астам адам) солардың үлесіне тиеді. Бақытжан Сағынтаевтың пікірінше, Шанхай ынтымақтастық ұйымы мен Еуразиялық экономикалық одақ бір-бірін өзара толықтыра алатын әлеуетке ие. Бұл іскер топтардың кедергісіз экономикалық ортаны қалыптастыруды, өзара саудада ұлттық валюталарда есеп айырысу үлесінің ұлғаюын, ортақ даму институттарын құруды қамтитын диалогқа деген қызығушылығының артуымен расталады. «ЕАЭО және ШЫҰ елдері — Еуразияның қазіргі заманғы экономикалық архитектурасының маңызды элементтері. Бұл мемлекеттер Еуразия құрлығының өзегін құрайды, ал олардың өзара қарым-қатынасы көбінесе өңірдің одан әрі даму векторын анықтайды», — деп санайды ЕЭК Алқасының басшысы.   ЕЭК пен ШЫҰ Хатшылығы тиісті меморандум шеңберінде өзара іс-қимыл жасайды. Қазіргі таңда ынтымақтастықтың ізеуірттелген жоспарын келісу аяқталып келеді. Құжат жобасы бірлескен іс-шараларды, ақпарат пен тәжірибе алмасуды, өзара қызығушылық тудыратын талдамалық материалдарды дайындауды көздейді. Саммитке Әзербайжан, Беларусь, Үндістан, Иран, Қазақстан, Катар, Қытай, Қырғызстан, Моңғолия, БАӘ, Пәкістан, Ресей, Тәжікстан, Түрікменстан, Түркия және Өзбекстан мемлекеттері мен үкіметтерінің басшылары, сондай-ақ БҰҰ, ЭЫҰ, АӨСШК, ТМД, ҰҚШҰ, АҚИҰ сияқты халықаралық және өңірлік құрылымдардың басшылары қатысты.  Қазіргі уақытта Беларусь, Үндістан, Иран, Қазақстан, Қытай, Қырғызстан, Пәкістан, Ресей, Тәжікстан, Өзбекстан ШЫҰ мүшесі болып табылады. 2023 жылғы шілдеден бастап қазіргі уақытқа дейін ШЫҰ-ға Қазақстан төрағалық етеді.
03 Jul 2024 Бақытжан Сағынтаев ШЫҰ Бас хатшысы Чжан Минмен келіссөз жүргізді Еуразиялық экономикалық комиссия Алқасының Төрағасы Бақытжан Сағынтаев пен Шанхай ынтымақтастық ұйымының (ШЫҰ) Бас хатшысы Чжан Мин 3 шілдеде Астанада өткен келіссөз барысында бұдан арғы өзара іс-қимылдың мәселелері бойынша тыңғылықты пікір алмасты. Атап айтқанда, тараптар ЕЭК пен ШЫҰ Хатшылығы арасындағы Өзара түсіністік туралы меморандум шеңберінде Еуразиялық экономикалық одақ елдері мен ШЫҰ ынтымақтастығының перспективаларын талқылады. Әңгімелесу барысында Бақытжан Сағынтаев бүгінгі таңда Меморандумды іске асыру жөніндегі іс-шаралар жоспарын дайындаудың аяқталып келе жатқанын атап өтті. Осыған байланысты ЕЭК Алқасының Төрағасы осы жылдың күзінде Арменияда өтетін Еуразиялық экономикалық форум аясында құжатқа қол қоюды ұйымдастыруды ұсынды. ЕЭК Алқасының Төрағасы «ЕАЭО - ШЫҰ» форматында бұдан арғы өзара іс-қимылдың мүмкіндіктері туралы айта келе, Еуразиялық экономикалық одақ мемлекеттерінің халықаралық көлік дәліздерін, мультимодальдық және контейнерлік тасымалдарды дамытуға, өңірдегі жүк тасымалдарын цифрландыруға деген мүдделілігін атап көрсетті. Бақытжан Сағынтаев осыған байланысты бірлескен тәсілдемелерді әзірлеуді жеделдету үшін жақын арада ШЫҰ-ға қатысушы елдердің Көлік министрлерінің және ЕАЭО мемлекеттерінің көлік саласындағы уәкілетті органдары басшылары кеңесінің бірлескен кеңесін өткізуді ұсынды. Тараптар ШЫҰ штаб-пәтерінде «ЕАЭО күндерін» өткізу туралы ЕЭК бастамасын да қарады. «Бұл іс-шара бизнес-қоғамдастық өкілдерінің назарын аударатыны сөзсіз. Тәжірибе және үздік практика алмасу елдеріміздің арасындағы сауда-экономикалық ынтымақтастықты дамытуға ықпал ететініне сенімдімін», — деп атап көрсетті Бақытжан Сағынтаев. Өз кезегінде Чжан Мин ШЫҰ мен ЕАЭО-ның өзара іс-қимыл факторы қазіргі әлемдік архитектурада барған сайын маңызды бола түсуде деп атап өтті. Экономикалық мәселелер бойынша практикалық тәжірибе алмасуға көңіл бөле келгендегі интеграция диалогы Үлкен Еуразияны дамыту үшін қолайлы және болжамды жағдайларды қамтамасыз етуге арналған.
13 Jun 2024 Бақытжан Сағынтаев: «Біздің алдымызда Кубамен жүргізілетін диалогты өзара іс-қимылдың жаңа бағыттарымен толықтыру міндеті тұр» Еуразиялық экономикалық комиссия Алқасының төрағасы Бақытжан Сағынтаев 13 маусымда ЕЭК-тің штаб-пәтерінде Куба Республикасының Министрлер кеңесі төрағасының орынбасары, Сыртқы сауда және шетелдік инвестициялар министрі Рикардо Руис Кабрисаспен келіссөздер жүргізді. Кездесу барысында тараптар интеграциялық өзара іс-қимылдың күн тәртібіндегі мәселелердің кең ауқымын талқылады. «Куба Республикасы ЕАЭО-ның Латын Америкасы мен Кариб бассейні аймағындағы негізгі серіктестерінің бірі болып табылады. Бұл ретте еліміз ынтымақтастығымызды кеңейтуге күш салуда», – деп атап өтті Бақытжан Сағынтаев. Тараптар сауда, банк қызметі, қаржы, биотехнология, ауыл шаруашылығы, ақпараттық және коммуникациялық технологияларды қоса алғанда, ынтымақтастықтың 34 бағытын қамтитын Комиссияның және Куба Республикасы Үкіметінің бірлескен іс-шаралар жоспары аясында өзара іс-қимыл жасайды. ЕАЭО-ның Кубамен тауар айналымы 2023 жылы 290 млн долларды құрады. ЕЭК Алқасының төрағасы қазіргі уақытта Комиссия интеграциялық бірлестік елдерімен бірігіп, байқаушы мемлекеттердің ЕАЭО аясындағы жекелеген шарттарға қосылу, сондай-ақ олардың нақты кооперациялық және инфрақұрылымдық жобаларға қатысу мүмкіндіктерін пысықтап жатқанын хабарлады. Тараптардың пікірінше, кәсіпкерлер диалогын тереңдету маңызды. Сауда-экономикалық өзара іс-қимылды қарқындатуға ЕАЭО Іскерлік кеңесі мен Кубаның Сауда палатасы арасындағы Ынтымақтастық туралы келісімді іске асыру ықпал ететін болады.
13 Jun 2024 ЕЭК Алқасының төрағасы Бақытжан Сағынтаев КОМЕСА бәсекелестігі жөніндегі Комиссияның бас атқарушы директоры Уиллард Мвембамен келіссөздер жүргізді Еуразиялық экономикалық комиссия Алқасының төрағасы Бақытжан Сағынтаев Шығыс және Оңтүстік Африка (КОМЕСА) Ортақ нарық бәсекелестігі жөніндегі комиссияның бас атқарушы директоры Уиллард Мвембамен келіссөздер жүргізді. Келіссөздер барысында тараптар 2019 жылы басталған және әсіресе 2022 жылы Бәсекелестік саясат және құқық қолдану саласындағы өзара түсіністік туралы меморандумға қол қоюмен жанданған ЕЭК пен КОМЕСА Бәсекелестік жөніндегі комиссияның өзара іс-қимылы мәселелері бойынша жан-жақты пікір алмасты. «Еуразиялық экономикалық комиссияның да, КОМЕСА-ның да ортақ мақсаты бар, ол – экономикалық интеграция арқылы өз өңірлерінің тұрақты дамуына жәрдемдесу. Біз ұзақ уақыт бойы бәсекелестік бойынша тығыз диалогта болдық, халықаралық алаңдарда бір-біріміздің бастамаларымызды қолдаймыз», – деп атап өтті ЕЭК Алқасының басшысы. Атап айтқанда, Бақытжан Сағынтаев ЕЭК-тің бәсекелестік саласындағы өңірлік интеграциялық ұйымдардың өзара іс-қимылы жөніндегі бастамасын еске салды. КОМЕСА-ның бәсекелестік жөніндегі комиссиясы бұл бастаманы қолдады және оны жүзеге асыруға белсенді қатысады. Тараптар Еуразиялық экономикалық одақ пен Шығыс және Оңтүстік Африканың ортақ нарығының ынтымақтастығын дамыту перспективаларын қарастырды. ЕЭК Алқасының төрағасы тараптар арасында жүргізілетін диалогтың кеңейетініне сенімді. Шығыс және Оңтүстік Африканың (КОМЕСА) жалпы нарығының мүшелері – 21 мемлекет: Бурунди, Конго Демократиялық Республикасы, Джибути, Замбия, Зимбабве, Египет, Кения, Комор аралдары, Ливия, Маврикий, Мадагаскар, Малави, Руанда, Свазиленд, Сейшел аралдары, Сомали, Судан, Тунис, Уганда, Эритрея, Эфиопия.
Тағы да көрсету