Жаңалықтар
Жеке тұлғалар үшін тауарларды 1000 еуро мөлшерінде бажсыз әкелу шегінің қолданылуы 2023 жылғы 1 қазанға дейін ұзартылды
Еуразиялық экономикалық комиссия Кеңесінің 30 наурыздағы отырысында жеке тұлғалар үшін тауарларды 1000 еуро мөлшерінде бажсыз әкелу шегінің қолданылуын 2023 жылғы 1 қазанға дейін ұзартуға шешім қабылданды.
Бұған дейін Комиссия Кеңесі бажсыз әкелу шегін әуе көлігімен немесе жаяу тасымалдауды қоспағанда, тасымалдаушы немесе пошта жөнелтілімдері арқылы тасымалданатын, сондай-ақ көліктің барлық басқа түрімен жүкпен әкелінетін тауарлар үшін 1000 еуроға дейін көтерген болатын. Мұндай шек уақытша негізде ағымдағы жылдың 1 сәуіріне дейін белгіленген болатын.
Шараны ұзарту санкциялық қысым көрсету жағдайында азаматтарды қолдауға және күнделікті қажетті тауарлар мен маңызды импорт тауарларының тапшылығын болдырмауға мүмкіндік береді.
Анықтама
Бұрын қабылданған шешімдерге сілтемелер:
-жеке тұлғалар үшін тауарларды бажсыз әкелу шегін ұзарту туралы шешім;
- тауарларды багаж ретінде немесе жаяу тасымалдау тәртібімен әкелу жөніндегі шешім;
- тауарларды тасымалдаушы немесе пошта жөнелтілімдерінің әкелуі жөніндегі шешім.
