Жаңалықтар
23.08.2022
ЕЭК өнеркәсіп тауарларының жекелеген түрлері бойынша сұраныс пен ұсыныстың жиынтық болжамды теңгерімдерін есептеу әдіснамасын қабылдады
Еуразиялық экономикалық комиссия Алқасы өнеркәсіп тауарларының жекелеген түрлері бойынша Еуразиялық экономикалық одақ елдерінің сұранысы пен ұсынысының жиынтық болжамды теңгерімдерін есептеу әдіснамасын қабылдады.
«ЕАЭО мемлекеттерінің сұранысы пен ұсынысының жиынтық болжамды теңгерімдері — бірінші кезекте өнеркәсіп пен өнеркәсіптік ынтымақтастықты дамыту саласында шешімдер қабылдауды қолдау құралы», — деп атап көрсетті ЕЭК Өнеркәсіп және агроөнеркәсіптік кешен жөніндегі министрі Артак Камалян.
Әдіснамаға сәйкес, сұраныс пен ұсыныстың жиынтық болжамды теңгерімдері ақпараттық, ұсынымдық сипатқа ие және 22 өнеркәсіп тауарына: ағаш-жоңқа тақтайшаларына, азот және калий тыңайтқыштарына, тракторларға, астық жинау комбайндарына және басқаларға есептелген.
Құжат өнеркәсіп өнімінің негізгі түрлері ресурстарының түсім көздері және оларды пайдалану бағыттары бойынша теңгерімделген көрсеткіштер жүйесін өзіне кірістіретін болжаудың теңгерімдік әдісіне негізделген.
Құжат өнеркәсіп өнімінің негізгі түрлері ресурстарының түсім көздері және оларды пайдалану бағыттары бойынша теңгерімделген көрсеткіштер жүйесін өзіне кірістіретін болжаудың теңгерімдік әдісіне негізделген.
Мұндай тәсілдеме қазірдің өзінде Комиссияның өнеркәсіп блогы ЕАЭО-ның қара және түсті металдардың сынығы мен қалдықтарының ортақ нарығындағы ағымдағы жағдаятқа кешенді талдау жүргізген кезде ойдағыдай қолданылды. Бұл Одақ нарығының аталған өнім бойынша жай-күйін бағалауға және Еуразиялық металлургия кәсіпорындарын шикізатпен қамтамасыз ету жөнінде тиісті кешенді ұсыныстар дайындауға мүмкіндік берді.
