Жаңалықтар
Эльдар Алишеров: «ЕАЭО-да кедендік реттеу саласындағы интеграциялық процестер жаңа, цифрлық кезеңге аяқ басты"
Еуразиялық экономикалық одақтағы кедендік реттеу саласындағы интеграциялық процестер ақпараттық жүйелер мен цифрлық технологияларды қамти отырып, жаңа кезеңге аяқ басты. Еуразиялық экономикалық комиссияның Кедендік ынтымақтастық жөніндегі министрі Эльдар Алишеров бұл туралы Мәскеуде 31 қазанда Халықаралық кеден форумында мәлімдеді.
"Ағымдағы жыл Ресейдің ЕАЭО органдарында төрағалығымен өтіп жатыр және Жоғары Еуразиялық экономикалық кеңестің Төрағасы, Ресей Президенті Владимир Путин мүше мемлекеттердің басшыларына жолдауында стратегиялық бағдарлар арасынан Одақтағы кедендік жұмысты жетілдіруді атады. Атап айтқанда, сөз ЕАЭО-ның сыртқы шекараларында тәуекелдерді басқару жүйесін пайдалана отырып, кедендік рәсімдерді біріздендіру, қазіргі заманғы экономикалық шындыққа сәйкес келетін жаңа көліктік-логистика инфрақұрылымын қалыптастыру туралы болып отыр. Комиссия жасанды интеллекті қолдануды қоса, цифрлық технологияларды пайдалана отырып, бұл бойынша одақтық елдермен бірлесіп жұмыс істеуде. Бұл, сөз жоқ, кеден саласын дамытудың жаңа кезеңі", — деп атап өтті Эльдар Алишеров.
ЕЭК министрі Комиссия мен мүше мемлекеттердің, соның ішінде кеден саласында процестерді, цифрлық өзара іс-қимыл құралдары мен ақпараттық ресурстарды интеграциялай отырып, Одақтың ортақ цифрлық кеңістігін құратынын атап көрсетті. Бұл жұмыс ұлттық мүдде үшін жүргізілуде және бұл ретте Еуразиялық интеграцияның ойдағыдай дамуына ықпал етеді.
Оның сөзінше, әлемдік экономикалық процестердің цифрлық трансформациясы жағдайында ЕАЭО-дағы көптеген кедендік рәсім қазірдің өзінде "қазіргі заманғы цифрлық рельстерге" ауыстырылды және ауыстырылуы жалғасуда. Бұл орайда электрондық кедендік декларациялау, кедендік декларацияларды автоматты тіркеу, тауарларды автоматты түрде шығару және шығару мерзімін 4 сағатқа дейін қысқарту, уәкілетті экономикалық операторлар институтын жетілдіру және т.б. туралы айтқан орынды болады. Шын мәнінде, бұл кедендік процестерді дамытудағы және Одақ шеңберінде ғана емес, сонымен қатар мүше мемлекеттердің үшінші елдермен де қауіпсіз әрі тиімді саудасын қамтамасыз етудегі түйінді факторлар.
