Жаңалықтар
Эльдар Алишеров Қырғызстанда бизнес өкілдерімен кездесіп, ЕАЭО Кеден кодексінің негізгі жаңартпалары жайында айтты
ЕЭК Кедендік ынтымақтастық жөніндегі министрі Эльдар Алишеров Қырғыз Республикасына сапары шеңберінде Қырғыз Республикасының Экономика және коммерция министрлігі алаңында бірқатар жұмыс кездесуін өткізді.
Қырғызстанның бизнес-қоғамдастығы өкілдерімен кездесу барысында кедендік реттеу саласындағы өзекті мәселелерді: ЕАЭО-да тасымалдарды қадағалап отыру үшін навигациялық пломбаларды қолданудың нормативтік базасы мен практикалық аспектілерін талқылау болып өтті.
Іс-шара шеңберінде Эльдар Алишеров сыртқы электрондық сауда шеңберінде ЕАЭО Кеден кодексіне енгізілген негізгі жаңартпаларды хабарлады, сатып алушы мен кеден арасындағы байланыстырушы буын болып табылатын және электрондық сауда алаңдарында сатып алынған тауарлармен кедендік операциялардың жасалуын қамтамасыз ететін жаңа электрондық сауда операторы институтын енгізуге жеке назар аударылды.
ЕЭК министрі бірлескен жұмыстың маңыздылығын атап көрсетті және Комиссияның кеден блогы алаңында сындарлы диалогты жалғастыруға дайын екендігін растады.
Сондай-ақ Еуразиялық экономикалық интеграцияны дамытудың 2025 жылға дейінгі стратегиялық бағыттарына сәйкес Қырғызстанда "бірыңғай терезе" ұлттық механизмдерін ендіру жөніндегі пилоттық жобаларды көрсету мәселесі қаралды. Кездесуге қатысушылар осындай көрсетудің қағидаттарын талқылады. Өз кезегінде Қырғыз Республикасының Экономика және коммерция министрлігі жанындағы СЭҚ саласындағы "Бірыңғай терезе" орталығының" басшылығы баяндама және "бірыңғай терезе" ұлттық механизмін дамыту шеңберінде Қырғызстан іске асырып жатқан ақпараттық жүйелер мен сервистердің таныстырылымын ұсынды.
