Жаңалықтар
2022-ЕЭФ ЕАЭО-ның Жастар форумы идеясын бірауыздан қолдады
Кездесуге қатысқан Одақ елдерінің, ЕАЭО жанындағы байқаушы мемлекеттердің және үшінші елдердің 200-ден астам жас қатысушысы жастардың әртүрлі тобын: кәсіпкерлерді, студенттерді, ғалымдарды, журналистерді, блогерлерді, спортшыларды, жасампазшыл жастарды және басқаларды құрады.
Пікірсайыс модераторлары — Еуразиялық экономикалық комиссияның Хаттама және ұйымдастырушылық қамтамасыз ету департаментінің директоры, ЕЭК Жастар кеңесінің төрағасы Данияр Турусбеков пен Ресей СІМ ММХҚИ проректоры Станислав Суровцев болды.
Сессияны ашқан Данияр Турусбеков: «Жастар — шамалас есептеулер бойынша, ЕАЭО халқының 15-20%-ын құрайтын үлкен әлеуметтік топ және оның Еуразиялық интеграцияның экономикалық процестеріне қатысуға айрықша өзіндік сұраулары бар екені анық», — деп атап өтті.
«Интеграция күшейген кезде халықаралық жастардың өзара іс-қимылы мәселелері барған сайын маңызды бола түсуде», — деді Данияр Турусбеков.
Пікірсайысқа «Жас ұрпақтың санасын қоса, бұқаралық санаға Еуразиялық идеологияны кең ауқымда сіңіру мақсатында» ЕАЭО-ның Жастар форумының негізін қалауды және жыл сайын өткізіп тұруды ұсынған ЖЕЭК Төрағасы, Қырғыз Республикасының Президенті Садыр Жапаровтың бастамасы жақсы сарын берді.
Сессия барысында сөз сөйлеушілер бастаманы бірауыздан қолдап, оны іске асыруға жәрдемдесуге дайындықтарын білдірді. Мәселен, Федералдық жастар ісі жөніндегі агенттік басшысының орынбасары Павел Абрамов ведомство іс-шараны өткізуге белсене қатысатынын және қажетті, соның ішінде әдістемелік қолдау көрсететінін мәлімдеді.
ЕАЭО-ға мүше мемлекеттердің жастар күн тәртібінің сын-қатерлері мен міндеттері туралы ой толғай келіп, Қырғыз Республикасы Мәдениет, ақпарат, спорт және жастар саясаты министрінің орынбасары Союзбек Надырбеков Одақтың қатысушы мемлекеттері мен байқаушы мемлекеттері арасындағы жастар ынтымақтастығының негізгі міндеттерімен бөлісті.
«Негізгі міндеттердің қатарында жастардың бойында белсенді өмірлік ұстанымды қалыптастыру, өз елдерінің қоғамдық, саяси, әлеуметтік және экономикалық өміріне және мемлекетаралық ынтымақтастыққа тарту бар. Жас ұрпақты ЕАЭО елдеріндегі дамудың әлеуетті мүмкіндіктері туралы хабардар етіп отыру қажет. Ғылыми, шығармашылық және кәсіпкерлік белсенділікті қолдау, жастардың инновациялық әлеуетін тиімді дамыту және пайдалану, Одақ елдері арасында жастардың қоғамдық бірлестіктері мен ұйымдарының өзара іс-қимылының жұмыс моделін құру, мәдени, ғылыми, білім беру, зияткерлік және спорттық интеграциялық бағыттарға қатысу үшін жастарды құқықтық, ұйымдастырушылық, ресурстық, ақпараттық қолдау негіздерін қалыптастыру маңызды», — деп атап өтті Қырғызстан Мәдениет министрінің орынбасары.
Кездесуде ЕАЭО жұмыс істеу процестеріне жастардың қатысуын қолдаудың жаңа форматтарын құру жөнінде ұсыныстар айтылды. Мысалы, Қырғыз Республикасы Еңбек, әлеуметтік қамсыздандыру және көші-қон министрінің орынбасары Нурдоолот Базарбаев жастардың кәсіпкерлігіне және қоғамдық жобаларына нысаналы жәрдемдесу механизмін құруға бағытталған Жастар бастамаларын қолдау қорын қалыптастыруды ұсынды.
Көптеген сөз сөйлеушілер интеграцияның неғұрлым белсенді және қарқынды дамып келе жатқан бағыттарының бірі ретінде ғылыми-білім беру ынтымақтастығын күшейту қажеттігі туралы айтты. Атап айтқанда, Армения Республикасы Білім, ғылым, мәдениет және спорт министрінің орынбасары Артур Мартиросян ЕАЭО шеңберінде оқыту үшін бірыңғай цифрлық платформа құру мәселесін қарауды, сондай-ақ мүше мемлекеттердің жас зерттеушілерінің ғылыми жұмыстарының бірлескен конкурстарын өткізуді ұсынды. Беларусь Республикасы Білім Министрлігі жанындағы Жас ғалымдар кеңесінің төрағасы Алексей Ермаков ЕАЭО шеңберінде академиялық ұтқырлықты, ең алдымен, әлемдік озық тәжірибені ескере отырып, жас ғалымдар мен оқытушыларды күшейтуді ұсынды. Ресей Федерациясы Президентінің жанындағы РХШжМҚА Құқық және ұлттық қауіпсіздік институты директорының орынбасары Валерий Смирнов Одақтың жастар қоғамдастығын интеграциялау қадамдарының бірі ретінде Еуразиялық студенттер ассамблеясын құру бастамасын ұсынды. «Элчи» әлеуметтік-саяси зерттеулер институтының басшысы Денис Бердаков ортақ Еуразиялық гуманитарлық кеңістікті сақтауға және нығайтуға шақырды.
Қазақстан мен Қырғызстанның аса ірі жастар бірлестіктерінің басшылары – Қазақстан Жастар конгресінің атқарушы директоры Тоқтар Болысов және Қырғыз Республикасының Министрлер Кабинеті жанындағы Қырғызстан Жастар конгресінің төрағасы Аскар Шайкидинов ЕАЭО жұмыс істеу процестеріне жастар ұйымдарын неғұрлым белсенді тарту туралы айтты. Ресей-Армян жастар одағының төрағасы Рафаэль Погосян ЕЭК Жастар кеңесі мен мүше мемлекеттердің жастар ұйымдарын жүйелі негізде белсенді өзара іс-қимыл жасауға шақырды.Жастар дипломатиясы саласында ЕАЭО-ның «жұмсақ күшін» таратудағы жастардың рөлі туралы айтылды. Ресей СІМ Жас дипломаттар кеңесінің төрағасы Константин Колпаков жастарды халықаралық интеграциялық бірлестіктермен, ең алдымен ЕАЭО, БРИКС, ШЫҰ, АСЕАН-мен қарым-қатынастарды дамытуға үлес қосуға шақырды. А.М. Горчаков атындағы жариялы дипломатияны қолдау қорының атқарушы директоры Виктория Карслиева тәжірибе алмасу, хабардар ету және Одақ елдерінде өткізілетін сараптамалық және жастар іс-шараларына жастарды қатыстыру үшін бірыңғай жастар платформасын қалыптастыруды ұсынды.
Кездесудің жарқын қорытындысы ЕАЭО елдерінің жасампазшыл жастары мен интертейнмент индустриясы өкілдерінің сөз сөйлеуі болды. VК музыкалық және оқиғалық жобаларының директоры Константин Сидорков Ресейдегі ең ірі қалалық open-air VK Fest, сондай-ақ VK платформасында жастардың қоғамдық және кәсіпкерлік бастамаларын іске асыру мүмкіндіктері туралы айтты. Медиапродюссер, селебрити-маркетинг маманы Левон Шагинян жастар ортасындағы негізгі медиатрендтерге назар аударды. Let ' s Dance би академиясының директоры Жан Воинов би индустриясы үшін Еуразиялық алаң құруға шақырды.
Пікірсайыс қорытындысы бойынша спикерлер мен қатысушылар Жастар форумын құру және жыл сайын өткізу идеясын бірауыздан қолдап, бұл бастаманың орындылығы мен өзектілігін атап өтті. Сессия қатысушыларының сөзінше, жеке жастар форумын құру жастардың Еуразиялық күн тәртібіне жүйелі қол жеткізуі үшін жағдай жасайды, студенттер мен жас сарапшыларды Еуразиялық интеграцияны зерттеуге және Одақтың жастар күн тәртібін дамытуға уәждейді. Сондай-ақ, ЕАЭО Жастар форумы жастардың кәсіби қоғамдастықтарының өкілдеріне интеграциялық әлеуеті бар бірлескен жобаларды (білім беру, сараптамалық, бизнес-жобалар, entertainment, журналистика және мемлекеттік басқару саласындағы жобалар және т.б.) іске асыруға мүмкіндік беретіні атап өтілді.
Пікірсайыс достық, бейресми ахуалда өтті, кездесуге қатысушылар байланысуды және ЕАЭО жастар күн тәртібін қалыптастыру тұрғысында өзара іс-қимылды қолдап, жалғастыруға
