Жаңалықтар
Әкелінетін керек-жарақтарды декларациялау кезінде бизнес үшін жаңа мүмкіндіктер жасалды
Енді әкелу кезінде керек-жарақтарды декларацияның электрондық нысанын қолдана отырып декларациялауға болады, ал қазір бұл тек тауарға ілеспе құжаттарды қолдану арқылы мүмкін болып отыр.
"Осындай өзгерістердің арқасында заманауи автоматтандырылған технологияларды, соның ішінде әкелінетін керек-жарақтарға қатысты тауарларды автоматты тіркеу мен автоматты шығаруды қолдану мүмкін болады",- деп атап өтті ЕЭК Кедендік ынтымақтастық жөніндегі министрі Максат Мамытканов.
Бұл бизнес-қоғамдастықтың бастамасы бойынша ЕАЭО Кеден кодексінде көзделген электрондық декларациялаудың басымдығын ескере отырып жасалған.
Шешім өте өзекті, өйткені ол бизнеске, соның ішінде авиакомпанияларға, теміржол және теңіз тасымалдаушыларына әкелінетін керек-жарақтарды декларациялау кезінде жаңа заманауи мүмкіндіктер ұсынады. Бұл борттық тамақтануға, әуе және теңіз кемелерінің бортында, сондай-ақ пойыздарда сатылатын тауарларға да қатысты.
Бұл ретте өзгерістер көлік, коммерциялық және (немесе) өзге де құжаттарды, яғни бұрынғыдай қағаз жеткізгіштердегі құжаттарды пайдалана отырып, әкелінетін керек-жарақтарды бұдан кейінгі кедендік декларациялау мүмкіндігін жоққа шығармайды.
Анықтама
Тауарларға декларациялар толтыру тәртібі Кеден одағы Комиссиясының 2010 жылғы 20 мамырдағы № 257 шешімімен бекітілді.
Осы уақытқа дейін Тәртіптің Х бөлімімен тек Одақтың кедендік аумағынан әкелінетін керек-жарақтарға қатысты кедендік декларациялау ерекшеліктері белгіленген болатын.
ЕАЭО Кеден кодексіне сәйкес керек-жарақтар - бұл:
- босалқы бөлшектер мен жабдықтарды қоспағанда, су кемелерін, әуе кемелерін және пойыздарды тұратын жерлерінде және жүру жолында қалыпты пайдалануды қамтамасыз ету және техникалық қызмет көрсету үшін қажетті;
- су, әуе кемелерінің жолаушылары мен экипаж мүшелерінің немесе пойыз жолаушылары мен пойыз бригадалары жұмыскерлерінің тұтынуы және (немесе) пайдалануы үшін, сондай-ақ осындай адамдарға таратуға немесе сатуға арналған тауарлар.
