Жаңылыктар
Ташып киргизилүүчү камылгаларды декларациялоодо бизнес үчүн жаңы мүмкүнчүлүктөр түзүлдү
Эми камылгаларды ташып келүүдө материалдарды декларациянын электрондук формасын колдонуу менен декларациялоого болот, ал эми азыркы учурда бул товарды коштоочу документтерди колдонуу менен гана мүмкүн.
"Мындай өзгөрүүлөрдүн аркасында заманбап автоматташтырылган технологияларды, анын ичинде ташып келинүүчү камылгаларга карата товарларды автоматтык түрдө каттоону жана автоматтык түрдө чыгарууну колдонуу мүмкүн болот", – деп белгиледи ЕЭКтин бажы кызматташтыгы боюнча министри Максат Мамытканов.
Бул ЕАЭБ Бажы кодексинде каралган электрондук декларациялоонун артыкчылыгын эске алуу менен бизнес-коомчулуктун демилгеси боюнча жасалды.
Чечим абдан актуалдуу болуп саналат, анткени ал бизнеске, анын ичинде авиакомпанияларга, темир жол жана деңиз ташуучуларына ташылып келүүчү камылгаларды декларациялоодо жаңы заманбап мүмкүнчүлүктөрдү берет. Бул борттук тамак-ашка да, ошондой эле аба жана деңиз кемелеринде, ошондой эле поезддерде сатылган товарларга да тиешелүү.
Ошол эле учурда өзгөртүүлөр мындан кийин транспорттук, коммерциялык жана (же) башка документтерди, башкача айтканда, мурдагыдай эле ташып келинүүчү камылгаларды кагаз жүзүндөгү документтерди пайдалануу менен бажылык декларациялоо мүмкүнчүлүгүн да жокко чыгарбайт.
Маалымат
Товарларга карата декларацияны толтуруу тартиби Бажы бирлигинин Комиссиясынын 2010-жылдын 20-майындагы № 257 чечими менен бекитилген.
Бул убакытка чейин Тартиптин X бөлүмүндө Бирликтин бажы аймагынан алынып чыгып жаткан камдоолорго гана карата бажылык декларациялоонун өзгөчөлүктөрү белгиленген.
ЕАЭБ Бажы кодексине ылайык, камылгалар - бул төмөнкүдөй товарлар:
- суу кемелерин, аба кемелерин жана поезддерди алар турган жана бара жаткан жерлердеги нормалдуу пайдаланууну жана техникалык тейлөөнү камсыз кылуу үчүн зарыл болгон, кошумча бөлүктөрдөн жана жабдуулардан тышкары;
- суу, аба кемелеринин жүргүнчүлөрүнүн жана экипаж мүчөлөрүнүн же поезддердин жүргүнчүлөрүнүн жана поезд бригадаларынын кызматкерлеринин керектөөсү жана (же) пайдалануусу үчүн, ошондой эле мындай адамдарга таратуу же сатуу үчүн арналган.
