қаз

Жаңалықтар

ЕЭК БАҚ-та Фото Бейнегалерея
2024 жылдың 1 тоқсанының қорытындысы бойынша заңды тұлғаларға ұлттық валютада берілген кредит көлемінің өскені байқалады 06 маусымның 2024 2024 жылдың 1 тоқсанының қорытындысы бойынша заңды тұлғаларға ұлттық валютада берілген кредит көлемінің өскені байқалады 2024 жылдың 1 тоқсанында заңды тұлғаларға ұлттық валютада берілген кредиттер көлемі өткен жылдың сәйкес кезеңімен салыстырғанда Арменияда 5%-ға, Беларусьте 30%- ға, Қазақстанда 29%-ға, Қырғызстанда 25%-ға және Ресейде 22%-ға ұлғайды. Шетел валютасында берілген кредит көлемінің Қырғызстанда 2,3 есеге айтарлықтай өскені, ал Арменияда 12%-ға төмендегені байқалды. 2024 жылдың маусым айының басында кредиттеу құнының төмендеуі Арменияда 8,25% (-0,25 п.п.), Қазақстанда 14,50% (-0,25 п.п.) және Қырғызстанда 9,00% (-4,00 п.п.) тіркелді. Беларусь пен Ресейдің ұлттық (орталық) банктері мөлшерлемелерді сәйкесінше 9,50% және 16,00% деңгейінде сақтап қалды. Толығырақ статистикалық ақпарат Статистика департаменті бетіндегі «Қаржылық статистика» бөлімінде берілген.
ЕАЭО елдерінде көрсетілетін қызметтер айналымы өсті 24 сәуірдің 2024 ЕАЭО елдерінде көрсетілетін қызметтер айналымы өсті 2023 жылы 2022 жылмен салыстырғанда Еуразиялық экономикалық одақ мемлекеттерінің көпшілігінде көрсетілетін қызметтердің халықаралық саудасының өсуі байқалды. Көрсетілетін қызметтер саудасының оң сальдосы Арменияда 33,6% артты, Беларусьта 32,7% төмендеді. Мүше мемлекеттердің көпшілігінде көрсетілетін қызметтердің экспорты мен импорты құрылымындағы мейлінше көп үлес көрсетілетін көлік қызметіне (Қазақстанда 49% дейін) және сапарларға (Қырғызстанда 56% дейін) тура келді. Толығырақ статистикалық ақпарат Статистика департаменті бетіндегі «Сыртқы сектордың статистикасы» бөлімінде берілген.
2024 жылғы қаңтарда ЕАЭО-да өнеркәсіптік өндіріс 4,7% өсті 14 наурыздың 2024 2024 жылғы қаңтарда ЕАЭО-да өнеркәсіптік өндіріс 4,7% өсті 2024 жылғы қаңтарда Еуразиялық экономикалық одақтағы өнеркәсіп өндірісінің көлемі 2023 жылғы қаңтар айының деңгейіне қарағанда 104,7% құрады. Өнеркәсіп өндірісінің Арменияда 21%, Қырғызстанда 16,5%, Беларусьта 5,4%, Ресейде 4,6% және Қазақстанда 3,4% өсуі байқалды. Өндіріс көлемі ЕАЭО-дағы кен өндіру өнеркәсібінде және карьерлерді дайындауда 0,7%, өңдеуші өнеркәсіпте 7,5%, электрмен жабдықтауда, газ, бу беру және ауа баптауда 4,9%, сумен жабдықтауда, кәріз жүйесінде, қалдықтарды жинауды және бөлуді бақылауда 3,3% артты. Толығырақ статистикалық ақпарат ЕЭК Статистика департаменті бетіндегі «Өнеркәсіп өндірісі» бөлімінде берілген. 
ЕАЭО-дағы жұмыссыздар саны 11,1% қысқарды 12 наурыздың 2024 ЕАЭО-дағы жұмыссыздар саны 11,1% қысқарды Еуразиялық экономикалық одақ мемлекеттерінің халықты жұмыспен қамту қызметтерінде тіркелген жұмыссыздар саны 2024 жылғы қаңтар айының соңындағы жай-күй бойынша 786,1 мың адамға жетіп, 2023 жылғы осы күнмен салыстырғанда 11,1% қысқарды. Сөйтіп, жұмыссыздар саны жұмыс күші санының 0,8%-ын құрап отыр. 2023 жылы бұл көрсеткіш 1% құраған еді. ЕАЭО-дағы жұмыссыздық туралы толығырақ ақпарат ЕЭК Статистика департаменті бетіндегі «Жұмыссыздық туралы» бөлімде берілген.
2023 жылдың қорытындысы бойынша ЕАЭО-дағы салық кірістері жөніндегі статистика жарияланды 11 наурыздың 2024 2023 жылдың қорытындысы бойынша ЕАЭО-дағы салық кірістері жөніндегі статистика жарияланды 2023 жылы 2022 жылмен салыстырғанда шоғырландырылған бюджеттің салықтық кірістері Арменияда, Қазақстанда және Қырғызстанда тиісінше 15,5%, 27,4% және 28,6% өсті. Ресейде бюджеттің бүкіл кіріс бөлігінің өсуі 11,3% құрады. ЕАЭО мемлекеттері бюджеттерінің салық кірістерінің негізгі үлесін: Арменияда табыс салығы мен ҚҚС, Қазақстан мен Ресейде пайдаға салынатын салық пен ҚҚС, Қырғызстанда ҚҚС құрады. Толығырақ статистикалық ақпарат ЕЭК Статистика департаменті бетіндегі «Салық кірістері» бөлімінде берілген.
ЕАЭО-да ауыл шаруашылығы өнімінің өндірісі 2024 жылғы қаңтарда 0,5% өсті 11 наурыздың 2024 ЕАЭО-да ауыл шаруашылығы өнімінің өндірісі 2024 жылғы қаңтарда 0,5% өсті 2024 жылғы қаңтарда Еуразиялық экономикалық одақтағы ауыл шаруашылығы өнімінің өндірісі барлық санаттағы шаруашылықтарда 2023 жылғы қаңтармен салыстырғанда 0,5% артты. Өсу Беларусьта, Қырғызстан мен Қазақстанда, азаю Ресейде байқалды. Сойылған мал мен құс (тірі салмағында) 2023 жылғы қаңтармен салыстырғанда 1%, сүт 3,2% артты, жұмыртқа өндіру 0,9% азайды. Сойылған мал мен құс өндірісі көлемінің өсуі Беларусьта, Ресейде және Қырғызстанда, азаюы Қазақстанда байқалды. Сүт өндіру ЕАЭО-ның барлық мемлекетінде (Армения бойынша деректерді есепке алмағанда) артты. Жұмыртқа өндірісінің артуы Қырғызстанда, Беларусьта және Қазақстанда, азаюы Ресейде байқалды. Толығырақ статистикалық ақпарат ЕЭК Статистика департаменті бетіндегі «Ауыл шаруашылығы өнімінің өндірісі» бөлімінде берілген.
2023 жылғы IV тоқсанның қорытындылары бойынша ЕАЭО-ның барлық елінде бизнесті кредиттеу көлемі өсті 11 наурыздың 2024 2023 жылғы IV тоқсанның қорытындылары бойынша ЕАЭО-ның барлық елінде бизнесті кредиттеу көлемі өсті Заңды тұлғаларға ұлттық валютада берілген кредиттер көлемі 2023 жылдың төртінші тоқсанында өткен жылдың сәйкес кезеңімен салыстырғанда Арменияда 14%, Беларусьта 27%, Қазақстанда 32%, Қырғызстанда 31% және Ресейде 25% артты. Шетелдік валютадағы кредиттеу көлемінің Қазақстанда 85% және Қырғызстанда 2,1 есе айтарлықтай өсуі байқалды. 2023 жылғы төртінші тоқсанның аяғында заңды тұлғалардың ұлттық валютадағы кредиттер бойынша берешегі өткен жылдың сәйкес кезеңімен салыстырғанда Беларусьта 41%, Қазақстанда 24%, Қырғызстанда 18% , Ресейде 25% ұлғайды. Шетел валютасындағы кредиттер бойынша, Беларусьті қоспағанда, ЕАЭО-ға мүше мемлекеттердегі заңды тұлғалар берешегінің өсуі (8% төмендеуі) байқалды. 2024 жылғы наурыз айының басында кредиттеу құнының азаюы Арменияда 8,75% (-0,50 п.п.) және Қазақстанда 14,75% (-1,00 п. п.) тіркелді. Беларусьтың, Қырғызстанның және Ресейдің ұлттық (орталық) банктері ставкаларды тиісінше 9,50%, 13,00% және 16,00% деңгейінде сақтады. Толығырақ статистикалық ақпарат ЕЭК Статистика департаменті бетіндегі «Қаржылық статистика» бөлімінде берілген.
05 наурыздың 2024 2023 жылы ЕАЭО-ның барлық елінде жалақы өсті Орташа айлық атаулы және нақтылы (тауарлар мен көрсетілетін қызметтерге арналған тұтыну бағаларының индексіне түзетілген) жалақы 2023 жылғы қаңтар-желтоқсан айларында 2022 жылдың тиісті кезеңімен салыстырғанда Еуразиялық экономикалық одақтың барлық мемлекетінде өсті. Орташа айлық нақтылы жалақының ең жоғары өсу қарқыны Армения (112,4%) мен Беларусьта (111%) тіркелді. Орташа айлық атаулы жалақы мөлшері: Арменияда – 270 мың армян драмын (688 АҚШ доллары), Беларусьта – 1,9 мың белорус рублін (634 АҚШ доллары), Қазақстанда – 360,8 мың теңге (791 АҚШ доллары), Қырғызстанда – 33,3 мың сом (379 АҚШ доллары), Ресейде – 73,7 мың Ресей рублін (871 АҚШ доллары) құрады. Толығырақ статистикалық ақпарат ЕЭК Статистика департаменті бетінде «ЕАЭО-дағы жалақы туралы» бөлімде берілген.
Тағы да көрсету

ЕАЭО ресурстары