Жаңалықтар

20.09.2023 (Обновлено: 25.09.2023 12:46)

ЕАЭО елдері мен Оман Сұлтандығы өнеркәсіп саласындағы ынтымақтастықты дамытуды жоспарлауда

Еуразиялық экономикалық одақ елдері мен Оман Сұлтандығының өнеркәсіп секторындағы өзара іс-қимыл перспективалары Еуразиялық экономикалық комиссия Өнеркәсіптік саясат департаментінің директоры Николай Кушнаревтің Оман Сұлтандығының Сауда, өнеркәсіп және инвестицияларға жәрдемдесу министрлігінің басшылығымен Маскаттағы Oman health Exhibition & Conference халықаралық көрмесі мен конференциясы алаңындағы жұмыс келіссөздерінің басты тақырыбына айналды.

"Елдің дәрі-дәрмектерге, фармацевтикалық препараттарға және хирургиялық шығын материалдарына деген қажеттілігінің басым бөлігін қанағаттандыру үшін Оманның импортқа тәуелділігі ЕАЭО мемлекеттерінің инвестициялары үшін елеулі мүмкіндіктер ашуы мүмкін. Еуразиялық экономикалық комиссия дәрі-дәрмек өндіру, технологиялар трансфертін ұйымдастыру және осындай елдерден келешегі зор фармацевтикалық әзірлемелер мәселелері бойынша өзара іс-қимылды жолға қою үшін үшінші елдердің компанияларының құзыреттері мен ынтымақтастық тілегін толық құптайды", — деп атап көрсетті ЕЭК департаментінің директоры.

Бұдан басқа, іс-шара шеңберінде Николай Кушнарев Иранның Ұлттық инновациялық қорының өкілдерімен кездесу өткізіп, әріптестерімен ғылымды қажетсінетін мекемелер мен компаниялардың инновацияларды және өнертабыстарды қаржыландыру практикасын талқылады.

Анықтама

Oman health Exhibition & Conference халықаралық көрмесі мен конференциясы – Омандағы денсаулық сақтау және медицина секторының тұрақты дамуын, саланың нарықтық әлеуетін және жаңа мүмкіндіктерді көрсететін жыл сайынғы халықаралық іс-шара. Oman Health Exhibition & Conference денсаулық сақтау мамандарына, трейдерлерге, өндірушілерге, қызмет көрсетушілерге және денсаулық сақтау мен медициналық өнеркәсіп саласындағы мүдделі тараптарға жаңа мүмкіндіктерді зерделеу, жаңа технологияларды, көрсетілетін қызметтер мен объектілерді көрсету және сауда мен инвестициялар үшін әлеуетті пайдалану мақсатында платформа ұсынады.