Жаңалықтар

15.06.2022

2022-ПХЭФ-те ЕАЭО-дағы дәрі айналысын реттеудің стратегиялық және шұғыл шаралары талқыланды

2022-ПХЭФ шеңберіндегі Ресей «Дәрі қауіпсіздігі» фармацевтика форумының «Экспорттық әлеует: ЕАЭО және жаһандық нарық» сессиясында ЕЭК Техникалық реттеу жөніндегі министрі Виктор Назаренко Еуразиялық экономикалық одақтағы дәрілік заттардың ортақ нарығын реттеудің нормативтік базасының өзекті қырлары туралы, сондай-ақ дәрілерді ұлтүсті тіркеу рәсімдеріндегі жаңалықтар мен олардың Одақ нарығына қол жеткізуі туралы айтып берді.

«Өмір жұмысымызға тұрақты түрде өз түзетулерін енгізіп отырады, жаңа сын-қатерлерін ұсынады. Халық денсаулығының басымдығын, дәрі қауіпсіздігін, дәрілік заттардың қолжетімділігін сақтай отырып, оларға жүйелі әрі үйлестірілген жауап береміз», — деді Виктор Назаренко.

ЕЭК министрі Одақтың дәрілік заттарының ортақ нарығын қалыптастыру және дамыту кезінде фармацевтикалық бизнестің көптеген бастамасы ескерілгені туралы жан-жақты айтып өтті. 

Кейбір жағдайларда тіркеу дерекнамасы құжаттарының қысқартылған құрамын ұсыну мүмкіндігі енгізілді, Одақта тіркеу мақсаттары үшін ұлттық GMP сертификатын ұсыну мүмкіндігі 2024 жылғы 31 желтоқсанға дейін ұзартылды, өндірістерді валидациялау мен аттестаттауға орайлас тәсілдемелерді кеңейте отырып, GMP қағидалары өзектендірілді. Дәрілердің ортақ нарығын реттеудегі тағы бір маңызды тренд қашықтықтан емдеу рәсімдерін ендіру болып табылады, бұл тіркеу кезінде инспекциялау және зертханалық сараптама рәсімдерінің жалпы мерзімдеріне оң әсер етті. 

Қорытындыда ЕЭК министрі дәрі өндірушілерді, ғылыми және зерттеу мекемелерін, кәсіби бизнес-бірлестіктерді Комиссия алаңдарында арнайы консультативтік органдардың – дәрілік заттар мен медициналық бұйымдардың айналысын реттеудің ортақ тәсілдемелерін әзірлеу жөніндегі жұмыс топтарының жұмысына белсенді қатысуға, сондай-ақ Құқықтық порталда жарияланатын Комиссия актілері жобаларын қоғамдық және жария талқылау рәсімдеріне қатысуға шақырды.
ЕЭК Хаттама және ұйымдастырушылық қамтамасыз ету департаментінің Ақпараттық қамтамасыз ету бөлімі