Жаңалықтар
ЕЭК-те ЕАЭО мемлекеттерінің энергетика саласындағы уәкілетті органдары басшыларының кеңесі жұмысын бастады
8 ақпанда ЕЭК Энергетика және инфрақұрылым жөніндегі министрі Арзыбек Кожошев 2022 жылғы желтоқсанда Еуразиялық бестік елінің мемлекет басшыларының шешімі бойынша құрылған ЕАЭО мемлекеттерінің энергетика саласындағы уәкілетті органдары басшылары кеңесінің бірінші отырысын өткізді.
Бейінді министрліктердің басшылары ЕАЭО-ның ортақ электр энергетикалық нарығын қалыптастыру мәселелерін талқылады.
"Энергия ресурстарының ортақ нарықтарын қалыптастыру Еуразиялық интеграцияның маңызды негізі", — деп атап көрсетті Арзыбек Кожошев. Қазақстан Республикасының электр энергиясының ортақ нарығының тіркеуші-операторын құру туралы ұсынысы отырысқа қатысушылар назарына ұсынылды.
Бұдан басқа, Басшылар кеңесі электр энергиясының орталықтандырылған саудасы операторының ортақ нарықтағы тіркеуші функцияларын бір тәулік бұрын орындауы және электр энергиясының нақты сальдо-ағындарының жоспарлы мәннен ауытқу құнын айқындау қағидаттарын қарады.
Талқылау қорытындысы бойынша ЕАЭО-ның ортақ электр энергетикалық нарығын қалыптастыруға байланысты мәселелерді келісуге бағытталған бұдан арғы іс-қимыл туралы шешім қабылданды.
