Жаңалықтар
Дәрілерді тіркеу және сараптау қағидаларына өзгерістер енгізілді
Еуразиялық экономикалық комиссия Кеңесі 22 қаңтарда Медициналық қолдануға арналған дәрілік заттарды тіркеу және сараптау қағидаларына өзгерістер пакетін бекітті.
Пакет дәрілерді тіркеуді реттеу тәсілдемелерін өзіне кірістіреді, олардың қаптамасы құрамына әр түрлі қосымша құрылғылар, мысалы, енгізу құралдары, өлшеуіш шыныаяқтар мен қасықтар, дәрі-дәрмектің дұрыс дайындалуы мен сақталуын қамтамасыз ететін құралдар кіреді.
Қаптамаға кіретін өнімнің түріне байланысты өндіруші тіркеу дерекнамасының құрамында дәріні мөлшерлеу және қолдану кезінде бұйымның өз функциясының сапасы мен тиісінше орындалуын растайтын құжаттарды ұсынуға міндетті. Сонымен бір мезгілде, өтініш берушілерге түсетін реттеушілік жүктемені азайту мақсатында медициналық бұйым сияқты бұйымдар мен құрылғыларды жеке тіркеу міндетті болып табылмайды.
Сондай-ақ, өзгерістер пакетінде дәрілік препараттың әрбір жаңа дәрілік нысаны үшін жеке тіркеу куәлігін ресімдеу көзделген.
