Евразия экономикалык комиссиясынын соода боюнча министри Андрей Слепнев жана Индонезия Республикасынын экономикалык маселелер боюнча министр-координатору Эйрлангга Хартарто Евразия экономикалык бирлигинин мамлекеттери менен Индонезиянын ортосундагы соода-экономикалык кызматташтыктын учурдагы жыйынтыктарын жана келечектүү багыттарын талкуулашты.
"Эркин соода жөнүндө макулдашууну түзүү өлкөлөрүбүздүн экономикаларынын экспорттук потенциалын ишке ашырууга, анын ичинде товарларды өз ара жеткирүүнү диверсификациялоого өбөлгө түзөрү анык", – деп белгиледи Андрей Слепнев.
ЕЭКтин соода боюнча министри баса белгилегендей, тараптар келечектеги макулдашуунун долбоорун макулдашуу боюнча олуттуу прогресске жетишишти. Анын айтымында, ЕАЭБ өлкөлөрү менен Индонезиянын ортосундагы соодага максималдуу түрдө жеңилдиктерди берүү менен, өз ара пайдалуу шарттарды камсыздоо милдети турат.
Мындан тышкары, Андрей Слепневдун пикири боюнча, келечектеги макулдашууну натыйжалуу ишке ашыруу үчүн тараптардын бизнес-коомдоштуктарынын өз ара аракеттенүүсүнө көмөктөшүү маанилүү.
Индонезия Республикасы менен эркин соода жөнүндө макулдашууну түзүү жөнүндө сүйлөшүүлөрдүн башталышы жөнүндө чечим Жогорку Евразия экономикалык кеңеши тарабынан 2022-жылдын 27-майында кабыл алынган. Азыркы учурга карата сүйлөшүүлөрдүн төрт раунду өттү.
