Евразия экономикалык комиссиясынын соода боюнча министри Андрей Слепнев Өзбекстан Республикасынын Өкмөтүнүн Евразия экономикалык комиссиясындагы расмий өкүлү Фанил Кадиров менен жолугушуу өткөрдү. 2025-жылдын 27-июнунда Жогорку Евразиялык экономикалык кеңештин жыйынында Өзбекстандын президенти Шавкат Мирзиёев айткан демилгелердин иштелип чыгышы талкууланды.
Эскерте кетсек, Шавкат Мирзиёевдин негизги сунуштарынын бири Өзбекстанды Евразиялык кайра камсыздандыруу компаниясынын ишине кошуу мүмкүндүгүнө, ошондой эле электрондук сооданы өнүктүрүү алкагында өз ара аракеттенүүнүн айрым программаларын түзүүгө, товарларды идентификациялоо каражаттары менен маркалоого, соодада санариптик технологияларды киргизүүгө тиешелүү болгон.
"ЕЭК Евразия экономикалык бирлигине караштуу байкоочу мамлекет катары Өзбекстан Республикасы менен көп тараптуу кызматташтыктын жогорку деңгээлине чоң маани берет. Өзбек тараптын практикалык сунуштары жөнүндө кошумча маалымат алгандан кийин көрсөтүлгөн маселелер боюнча ишке киришүүгө даяр экенибизди билдиребиз", – деп белгиледи Андрей Слепнев.
