Бул туурасында Тегерандагы "Евразия" эл аралык көргөзмөсүнүн ачылыш аземинде Евразия экономикалык комиссиясынын соода боюнча министри Андрей Слепнев билдирди. Иш-чарага Иран Ислам Республикасынын Президенти Масуд Пезешкиан, ошондой эле Ирандын өнөр жай, кен жана соода министри Мохаммад Атабак катышты.
ЕЭК министри баса белгилегендей, жаңы мүмкүнчүлүктөрдү ишке ашыруу үчүн мамлекеттер аралык деңгээлде жана ишкер чөйрөлөрдүн ортосунда натыйжалуу өз ара иштешүүнү жөнгө салуу маанилүү.
"Мына ошол себептен биз бул иш-чарага өзгөчө маани беребиз жана бизнес-коомдоштуктун бардык пайда болгон маселелерине ыкчам жооп берүүгө даярбыз. Ирандык кесиптештерибиз менен бирге ЕАЭБ менен Ирандын ишкер чөйрөлөрү толук форматтуу жаңы келишим менен түзүлгөн артыкчылыктарды максималдуу колдоно алышы үчүн бардык зарыл маалыматтарды беребиз", — деп баса белгиледи Андрей Слепнев.
Тараптар көргөзмөнүн павильондоруна чогуу барышты.
Андрей Слепневдун сапарынын алкагында Мохаммад Атабак менен жумушчу жолугушуусу болуп өтүп, анда Макулдашууну ишке ашыруу үчүн зарыл болгон кадамдар предметтүү талкууланып, өз ара кызыкчылык жараткан тармактарда кызматташууну өнүктүрүү боюнча жол картасын даярдоо жөнүндө макулдашууга жетишилди.
"Жол картасы өзүнө чек аралык бажылык жол-жоболорду жөнөкөйлөтүү, өнөр жай кызматташтыгы, соодадагы техникалык тоскоолдуктарды четтетүү, СФС-жөнгө салуу жаатындагы кызматташтык, электрондук соода сыяктуу перспективалуу багыттарды камтышы мүмкүн деп ойлойм", — деп белгиледи ЕЭК министри.
Жол картасы Евразия экономикалык бирлиги менен Ирандын ортосундагы Эркин соода жөнүндө толук форматтагы макулдашуунун аракети менен байланышкан бардык маселелерди кароо үчүн институционалдык аянтча катары, ошондой эле Иранга жакында берилген ЕАЭБде байкоочу статусун ишке ашыруу контекстинде тараптардын өз ара мамилелерин андан ары өнүктүрүү үчүн уюштурулган биргелешкен комитеттин биринчи отурумун өткөрүү учуруна карата түзүлүшү керек.
Андрей Слепнев биргелешкен комитеттин биринчи жолугушуусун Евразия өкмөттөр аралык кеңешинин жакынкы отурумдарынын биринин алкагында өткөрүүнү сунуштады, анда ирандык тарап байкоочу мамлекет катары катышууну пландап жатат.
Көргөзмөнүн талааларында Тегерандын Соода-өнөр жай палатасы менен биргеликте уюштурулган ЕЭК делегациясынын Иран ишкерлер коомдоштугу менен масштабдуу жолугушуусу болуп өттү. Ага ЕАЭБ өлкөлөрүнүн дипломатиялык өкүлчүлүктөрүнүн башчылары жана ишкерлер катышышты.
