Жаңылыктар
Арзыбек Кожошев ЕАЭБ-КМШ форматында транспорттук коридорлорду өнүктүрүү боюнча кызматташтыкты талкуулады
КМШ Аткаруу комитети жана Евразия экономикалык комиссиясы 2030-жылга чейин транспорттук коридорлорду өнүктүрүүгө багытталган биргелешкен иш-чаралардын планын даярдоону пландаштырууда.
Көз карандысыз Мамлекеттер Шериктештигинин Координациялык транспорттук кеңешмесинин (КТК) Аткаруу комитети менен кызматташтыкты кеңейтүү жөнүндө Комиссиянын демилгесин 8-августта ЕЭКтин энергетика жана инфраструктура боюнча министри Арзыбек Кожошев жана КМШнын КТК Аткаруу комитетинин төрагасы Геннадий Бессонов талкуулашты.
Ошондой эле КМШ өлкөлөрүнүн аймагы боюнча өтүүчү эл аралык транспорттук коридорлорду макулдашылган өнүктүрүү жөнүндө макулдашууга ылайык иш алып барган координациялык органдардын ишине ЕЭКтин катышуусу каралды. Буга чейин ЕЭКтин мындай демилгеси ЕАЭБ мүчө мамлекеттеринин транспорт жаатындагы ыйгарым укуктуу органдарынын Жетекчилер кеңеши тарабынан колдоого алынган.
Жолугушуунун катышуучулары ЕАЭБ жана КМШ алкагында транспорттук инфраструктураны өнүктүрүү боюнча аткарылган иштерди белгилешти жана ЕАЭБ жана КМШ өлкөлөрүнүн аймактары аркылуу өтүүчү евразиялык транспорттук коридорлорду жана эл аралык транспорттук коридорлорду өнүктүрүүнү координациялоо боюнча кызматташтыкты кеңейтүү ниетин билдиришти.
"Биз транспорттук коридорлорду өнүктүрүү боюнча бир жалпы иш жасап жатабыз, жана ЕЭКтин жана КМШ КТК аракеттерин бириктирүү менен мындан да чоң натыйжага жетише алабыз", – деп баса белгиледи Арзыбек Кожошев.
Жолугушуунун катышуучулары ЕЭК менен КМШ Аткаруу комитетинин ортосунда түзүлгөн колдонуудагы меморандумдардын негизинде, ошондой эле 2023-2025-жылдарга ЕЭК жана КМШ Аткаруу комитетинин ортосунда өз ара иштешүүнү тереңдетүү жөнүндө меморандумду ишке ашыруу боюнча 2018-жылдын 27-ноябрындагы иш-чаралар планын эске алуу менен биргелешкен иш-чаралардын планын даярдоо зарылдыгы жөнүндө макулдашышты.
"Биргелешкен иш-чаралардын маанилүүлүгү жана аларды аткаруунун мөөнөттөрү ЕАЭБ мамлекеттеринин башчылары кол койгон "Евразия экономикалык жолу" декларациясына ылайык аныкталууга тийиш. Анда ЕАЭБ алкагында 2030-жылга чейин жана 2045-жылга чейинки мезгилде экономикалык процесстерди андан ары өнүктүрүү каралат", - деп белгиледи ЕЭК министри.
Жолугушуунун жыйынтыгында 2030-жылга чейин транспорттук коридорлорду өнүктүрүүгө багытталган биргелешкен иш-чаралардын планын даярдоо боюнча ниеттер жөнүндө протоколго кол коюу чечими кабыл алынды.
Эскерте кетсек, КМШ өлкөлөрүнүн аймагы аркылуу өтүүчү эл аралык транспорттук коридорлорду макулдашылган өнүктүрүү жөнүндө макулдашууга 2009-жылдын 20-ноябрында кол коюлган.
