Бакытжан Сагинтаев ЕЭКтин экономика жана каржы саясаты боюнча министри болуп дайындалды

01.06.2022

Бакытжан Сагинтаев ЕЭКтин экономика жана каржы саясаты боюнча министри болуп дайындалды

Жогорку Евразия экономикалык кеңешинин чечими менен 1-июнунан тарта Евразия экономикалык комиссиясынын Коллегиясынын жаңы мүчөсү (министр) болуп Казакстан Республикасынан Бакытжан Сагинтаев дайындалды. Анын компетенциясына Евразия экономикалык бирлигинде ишкердик ишмердикти өнүктүрүү, каржы саясаты, эмгек миграциясы жана социалдык коргоо маселелери кирмекчи.

ЕЭКтин жаңы министринин Казакстандын мамлекеттик бийлик органдарында олуттуу жетекчилик иш тажрыйбасы бар.

Буга чейин Жамбыл облусунун акиминин орун басары, Казакстан Республикасынын Табигый монополияларды жөнгө салуу боюнча агенттигинин төрагасы, Казакстан Республикасынын Премьер-министринин Канцеляриясынын жетекчиси, Павлодар облусунун акими, Казакстан Республикасынын экономикалык өнүгүү жана соода министри, "Нур Отан" элдик демократиялык партиясынын төрагасынын биринчи орун басары, Казакстан Республикасынын Премьер-министринин Биринчи орун басары, Казакстан Республикасынын Премьер-министри, Казакстан Республикасынын Мамлекеттик катчысы, Казакстан Республикасынын Президентинин Администрациясынын жетекчиси, Алматы шаарынын акими кызматтарын ээлеген.