Жаңылыктар
Бакытжан Сагинтаев БУУнун Женевадагы кеңсесинин негизги аткаруучу директору Татьяна Валовая менен сүйлөшүүлөрдү өткөрдү
Евразия экономикалык комиссиясынын Коллегиясынын Төрагасы Бакытжан Сагинтаев Бириккен Улуттар Уюмунун Женевадагы кеңсесинин башкы аткаруучу директору Татьяна Валовая менен жумушчу жолугушуу өткөрдү.
Тараптар Комиссиянын жана БУУнун түзүмдөрүнүн, анын ичинде уюмдун Женевадагы бөлүмүнүн ортосундагы өз ара аракеттенүүнү талкуулашты, ошондой эле ЮНКТАД аянтчасында (БУУнун соода жана өнүктүрүү боюнча конференциясы) Эл аралык бирикмелердин диалогунун келечегин карашты.
Бакытжан Сагинтаев ЕЭК өнөктөштөр менен интеграциялык тажрыйбаларды өз ара үйрөнүү маселелеринде, анын ичинде БУУнун эгидасы алдындагы иш-чараларда өз ара аракеттенүүгө ачык экенин белгилеп өттү.
Европанын расмий, ишкердик жана эксперттик чөйрөлөрүнүн Евразиялык экономикалык интеграция процесстерин өнүктүрүү жөнүндө маалымдуулугун жогорулатуу үчүн Коллегиянын Төрагасы жакынкы келечекте БУУнун Женевадагы кеңсесинде "Евразия экономикалык бирлигинин күндөрүн" өткөрүүнү сунуштады. ЕЭК Бирликтин бардык өлкөлөрүнүн бул нерсеге макулдугун алды.
Сүйлөшүүлөрдүн жыйынтыгы боюнча тараптар кызматташтыкты кеңейтүүгө кызыкдар экендигин билдиришти.
