Жаңылыктар

20.09.2024

Бакытжан Сагинтаев ЭКОСОС Төрагасы Роберт Рэй менен сүйлөшүүлөрдү өткөрдү

Евразия экономикалык комиссиясынын Коллегиясынын Төрагасы Бакытжан Сагинтаев 19-сентябрда Бириккен Улуттар Уюмунун Нью-Йорктогу штаб-квартирасында БУУнун Экономикалык жана Социалдык Кеңешинин (ЭКОСОС) Төрагасы Роберт Рэй менен жумушчу жолугушуу өткөрдү.

Сүйлөшүүлөрдүн жүрүшүндө тараптар өз ара кызыкчылык туудурган эл аралык өз ара аракеттешүүнүн бир катар маселелерин карашты, кызматташтыктын келечектүү багыттарын, атап айтканда, БУУнун Туруктуу өнүгүү максаттарын (ТӨМ) ишке ашыруу боюнча келечектүү багыттарды талкуулашты.

Евразия экономикалык бирлигинин өлкөлөрүнүн бул масштабдуу ишке кошкон салымы өзүнчө талкууланды.

"ЕАЭБдин ар бир өлкөсү улуттук программалык документтерге, стратегияларга жана концепцияларга таянуу менен туруктуу өнүгүү максаттарына жетүү боюнча конкреттүү кадамдарды жасоодо. Ошол эле учурда ЕАЭБ алкагындагы экономикалык интеграция ТӨМгө жетишүүгө өбөлгө түзгөн кошумча фактор болуп саналат", — деп баса белгиледи ЕЭК Коллегиясынын башчысы.

Бакытжан Сагинтаев Комиссия ТӨМ тематикасы боюнча комплекстүү баяндаманы даярдоого киришкенин айтып берди, ага Бирликтин интеграциялык күн тартибин аларга жетишүү боюнча милдеттер менен корреляциялоо предметине талдоо киргизилет.

Документти 2025-жылдын июлунда туруктуу өнүктүрүү боюнча жогорку деңгээлдеги саясий форумда сунуштоо пландаштырылууда.

Сүйлөшүүлөрдүн жыйынтыгы боюнча тараптар жумушчу байланыштарды улантууга жана практикалык өз ара иштешүүнү өнүктүрүүгө шартташты.

ЭКОСОС – Бириккен Улуттар Уюмунун негизги органдарынын бири, ал БУУнун экономикалык, социалдык жааттардагы жана анын адистештирилген мекемелериндеги кызматташтыкты координациялайт.