ЕАЭБ жана ЛАЕТ диалогду тереңдетүүгө ниеттенүүдө

07.06.2024

ЕАЭБ жана ЛАЕТ диалогду тереңдетүүгө ниеттенүүдө

Экономикалык күн тартибинин кеңири чөйрөсү боюнча өз ара аракеттенүүнү интенсификациялоо маселелерин Евразия экономикалык комиссиясынын интеграция жана макроэкономика боюнча министри Сергей Глазьев жана Латын Америка-Кариб экономикалык тутумунун (ЛАЭТ) туруктуу катчысы Кларемс Эндара Вера 6-июнда XXVII Санкт-Петербург эл аралык экономикалык форумунун талааларында талкуулашты.

Тараптар эки бирикменин өнүгүүсүнүн дал келген багыттарын, ошондой эле бир катар экономикалык багыттар боюнча кызматташуунун жогорку потенциалын талкуулашты.

"ЛАЭТ көптөгөн өлкөлөрү менен биздин Бирлик кызматташтыкты жигердүү өнүктүрүүдө – Куба ЕАЭБге караштуу байкоочу-мамлекет болуп саналат, Никарагуа менен Өз ара иштешүү жөнүндө меморандумга кол коюлган, ЕЭК жана ЛАЭТ ортосунда Өз ара түшүнүшүү жөнүндө меморандум иштеп жатат. Эскерте кетсек, ага 2018-жылы ПЭЭФ талааларында кол коюлган. Биздин түзүмдөрдө диалогду мындан ары тереңдетүү үчүн бардык зарыл институттук база бар", – деп баса белгиледи Сергей Глазьев.

Кларемс Эндара Вера ЛАЭТ ичиндеги сооданын актуалдуу абалы, эл аралык өнөктөштөр менен өз ара аракеттенүү жана ЕАЭБ өлкөлөрү менен кызматташуунун келечектүү багыттары жөнүндө айтып берди.

"ЕАЭБ – калыптанган интеграциялык долбоор, Бирликтин көптөгөн иштелмелери ЛАЭТте да колдонулушу мүмкүн. Интеграциялык процесстердин тереңдигин жана алардын мүчө мамлекеттердин экономикаларынын атаандаштыкка жөндөмдүүлүгүнө тийгизген таасирин изилдөө жагында статистика чөйрөсүндө тажрыйба алмашууну жөнгө салууну сунуштайт элек", – деп комментарий берди туруктуу катчы.

Кларемс Эндара Вера мамлекеттик сатып алуулар чөйрөсүн жөнгө салуу маселелери боюнча диалогго кызыкдарлыгын баса белгилеп, ЕЭКти 2024-жылдын августунда Гондураста өтө турган Көндүмдөр форумунда бул маселелер боюнча презентация менен чыгып сүйлөөгө чакырды. Ошондой эле ал 2024-жылы биргелешкен тематикалык семинарларды өткөрүү практикасын өнүктүрүүнү колдоо менен интеграциянын натыйжаларын өлчөө маселесин биргелешкен эксперттик талкуулоого кызыгууну белгиледи.

Сергей Глазьев өз кезегинде, ЛАЭТ өкүлдөрүн 2024-жылдын сентябрында өтө турган III Евразия экономикалык форумуна катышууга чакырды.

Латын Америка-Кариб экономикалык тутуму (ЛАЭТ) – 1975-жылы түзүлгөн Латын Америка өлкөлөрүнүн экономикалык коомдоштугу, ал Латын Америкасынын төмөнкү 26 мамлекетин бириктирет: Аргентина, Барбадос, Боливия, Бразилия, Венесуэла, Гаити, Гайана, Гватемала, Гондурас, Гренада, Доминикан Республикасы, Колумбия, Коста-Рика, Куба, Мексика, Никарагуа, Панама, Парагвай, Перу, Сальвадор, Суринам, Тринидад жана Тобаго, Уругвай, Чили, Эквадор жана Ямайка.

ЛАЭТ жогорку органы - жыл сайын чакырылуучу Латын Америка Кеңеши. Уюмдун күндөлүк ишмердигин туруктуу катчылык жүргүзөт. Конкреттүү экономикалык программаларды ишке ашыруу үчүн жумушчу комитеттер түзүлөт.