Сабаттуу керектөөчү — жоопкерчиликтүү бизнес. Ушундай ураан менен Евразия экономикалык бирлигинин өлкөлөрү бул жылы керектөөчүлөрдүн укуктарын коргоо боюнча биргелешкен ишти өткөрүшөт. Тиешелүү сунуштама Евразия экономикалык комиссиясынын Коллегиясынын 14-февралдагы отурумунда кабыл алынды.
Комиссия жүргүзгөн изилдөөлөр көрсөткөндөй, керектөөчүлөрдүн суроо-талабына терс таасирин тийгизген жана экономикалык өнүгүүнү начарлаткан негизги көйгөй сатуучулардын ак ниетсиз аракеттери, алдамчылык схемалары жана керектөөчүлөрдү алдоо бойдон калууда.
Үстүбүздөгү жылы Бирликте артыкчылыктуу болгон тема керектөөчүлөр менен бизнестин ортосунда өз ара урмат жана ишеним мейкиндигин түзүү зарылдыгына көңүл бурууга багытталган. Мындай иштин өзөгү Мүчө мамлекеттердин керектөөчүлөрдүн укуктарын коргоо чөйрөсүндө биргелешкен иш-аракеттеринин программасында каралган.
Коюлган максатка жетүү үчүн ЕАЭБ өлкөлөрү калк жана бизнес үчүн керектөөчүлөрдүн укуктарын коргоо маселелери боюнча масштабдуу маалыматтык жана түшүндүрүү иш-чараларын пландаштырышкан. Бул Бирликтин керектөө рыногунун катышуучуларынын ортосундагы ак ниеттүү өз ара мамилелерди колдоонун жана өнүктүрүүнүн колдонуудагы механизмдерин кеңейтүүгө жана жаңы механизмдерин киргизүүгө мүмкүндүк берет.
Маалымат
Бирлигине мүчө мамлекеттердин керектөөчүлөрдүн укуктарын коргоо чөйрөсүндө биргелешкен иш-аракеттеринин программасы ЕӨАКтын 2022-жылдын 21-июнундагы № 12 тескемеси менен кабыл алынган. Документте ар жыл сайын Бирликтин калкын керектөөчүлөрдүн укуктарын коргоо маселелери боюнча маалымдоо жана агартуу боюнча иштерди өткөрүү каралган. Мындай иштин темасы 2023-жылдан баштап жыл сайын аныкталат жана Комиссиянын сунушу менен бекитилет.
"Сабаттуу керектөөчү – жоопкерчиликтүү бизнес" деген аталыштагы жылдын темасы Бирликтин мүчө мамлекеттеринин керектөөчүлөрүнүн укуктарын коргоо маселелери боюнча консультативдик комитет тарабынан сунушталган, анын курамына мүчө мамлекеттердин мамлекеттик органдарынын, коомдук уюмдарынын жана бизнес-коомчулугунун өкүлдөрү кирет.
