Жаңылыктар

25.09.2023 (Обновлено: 26.09.2023 14:33)

ЕЭК керектөөчүлөрдүн укугун коргоо чөйрөсүндө ЕАЭБ өлкөлөрүнүн биргелешкен иш-аракеттеринин натыйжасын жактырды

Евразия экономикалык комиссиясынын Коллегиясы 25-сентябрда Евразия экономикалык бирлигинин өлкөлөрүнүн керектөөчүлөрдүн укуктарын коргоо боюнча биргелешкен аракеттер программасын ишке ашыруунун биринчи жылында жетишилген иштеринин жыйынтыктарын жактырды.

"Программа – бул ЕАЭБдин бул чөйрөдө макулдашылган саясатты жүргүзүү боюнча өлкөлөрдүн комплекстүү ишин уюштурууга багытталган биринчи документи, – деп белгиледи ЕЭКтин техникалык жөнгө салуу боюнча министри Виктор Назаренко. - Программаны аткаруу боюнча ишке Бирликтин бардык өлкөлөрү бирдей деңгээлде тартылган. Алардын биргелешкен аракеттери ЕАЭБдин ички рыногунун туруктуулугун сактоо максатында керектөөчүнүн жыргалчылыгын жана коопсуздугун колдоого багытталган".


ЕАЭБдин мүчө мамлекеттеринин керектөөчүлөрдүн укуктарын коргоо чөйрөсүндө биргелешкен иш-аракеттер программасы 2022-жылдын июнь айында кабыл алынган жана 2025-жылга чейин күчүндө болот. Программанын иш-чараларын ишке ашырууга мамлекеттик органдар, коомдук уюмдар жана ишкерлер катышат.

Программанын алкагында мүчө мамлекеттердин биргелешкен ишинин негизги багыттары болуп керектөөчүлөрдүн кызыкчылыктарын эсепке алуу механизмин түзүү үчүн уюштуруу негиздерин түзүү, бул чөйрөдө өлкөлөрдүн жалпы мамилелерин иштеп чыгуу, ыйгарым укуктуу органдардын ортосунда маалыматтык өз ара аракеттенүүнү өнүктүрүү, жарандарды агартууга, рационалдуу жана туруктуу керектөө көндүмдөрүн калыптандырууга багытталган биргелешкен иш-чараларды өткөрүү, ошондой эле керектөөчүлөрдүн катышуусу менен трансчек аралык талаш-тартыштарды жөнгө салуу механизмдерин түзүү саналат.

Бул маселе боюнча Комиссия тарабынан даярдалган баяндамада Бирликте керектөөчүлөрдүн укуктарын коргоо чөйрөсүндөгү учурдагы кырдаал, мамлекеттердин биргелешкен ишинин жыйынтыктары жана Программанын айрым иш-чараларын аткаруу боюнча сунуштар берилген.