Жаңылыктар
ЕЭК ЕАЭБ бизнесинин көйгөйлүү маселелерин туруктуу көзөмөлгө алат
22-февралда Астанада Казакстан Республикасынын "Атамекен" ишкерлеринин улуттук палатасынын аянтчасында ЕЭКтин экономика жана каржы саясаты боюнча министри Бахыт Султановдун төрагалыгы алдында Евразия экономикалык комиссиясынын делегациясынын казакстандык бизнес коомчулугунун өкүлдөрү менен жолугушуусу болуп өттү.
"Ишкер чөйрөлөрдүн өкүлдөрү менен жолугушууларды өткөрүү, өзгөчө көздөшүү көчмө форматында, Комиссиянын бизнес менен өз ара аракеттенүүсүнүн кыйла натыйжалуу формасы болуп саналат жана түз диалогдун жүрүшүндө ишкерлерди түйшөлткөн маселелерди талкуулоого жана сунуштарды бөлүшүүгө мүмкүндүк берет", – деп белгиледи Бахыт Султанов.
ЕЭК министри Евразия экономикалык бирлиги жөнүндө келишимдин ишкерлердин көйгөйлөрүн чечүүгө жана алардын евразиялык мейкиндиктеги интеграциялык процесстерге катышуу деңгээлин жогорулатууга багытталган өзгөрүүлөрү жөнүндө айтып берди.
ЕЭКтин Ишкердик ишмердикти өнүктүрүү департаментинин директору Ернар Бакенов Казакстандын ишкер чөйрөлөрүнүн өкүлдөрү тарабынан буга чейинки жолугушууларда айтылган көйгөйлүү маселелерди чечүүнүн жүрүшү жана натыйжалары жөнүндө маалымат берди. Комиссиянын өкүлү медициналык буюмдарды жүгүртүүнү жөнгө салуу, техникалык жөнгө салуу, ички рыноктордун иштеши, товарлар менен өз ара соода жүргүзүүдө салык салуу чөйрөлөрүндөгү маселелерди чечүү боюнча жетишилген прогресс жөнүндө айтып берди.
ЕЭК өкүлдөрү ишкерлердин суроолоруна жооп беришти жана алар тарабынан айтылган көйгөйлөрдү иштеп чыгууга кабыл алышты, бул иштерге Комиссиянын тармактык департаменттери тартылмакчы.
Жолугушуунун жыйынтыгы боюнча улуттуктан жогорку орган тарабынан бизнес-коомдоштуктун өкүлдөрүнүн актуалдуу маселелерине жана көйгөйлөрүнө туруктуу мониторинг жана контролдоо жүргүзүү, видеоконференцияларды үзгүлтүксүз өткөрүү жөнүндө макулдашууга жетишилди.
