Жаңылыктар
ЕЭК – ДБУ: ЕАЭБ өлкөлөрүнүн бажылык администрациялоосуна мыкты дүйнөлүк тажрыйбаларды киргизүү жөнүндө макулдашууга жетишилди
Евразия экономикалык комиссиясынын Бажы кызматташтыгы боюнча министри Руслан Давыдов Дүйнөлүк бажы уюмунун (ДБУ) башкы катчысы Йен Сондерс менен Рио-де-Жанейродо ДБУнун Технологиялык конференциясынын жана көргөзмөсүнүн (WCO Technology Conference & Exhibition) талааларында жумушчу жолугушуу өткөрдү.
Тараптар өз ара иштешүүнүн келечектүү багыттарын, анын ичинде ЕЭК жана ДБУ ортосунда Өз ара түшүнүшүү жөнүндө меморандумду практикалык ишке ашыруу маселелерин талкуулашты.
Руслан Давыдов ЕЭКтин өкүлдөрүнүн ДБУнун жумушчу органдарына системалуу катышуусуна, ошондой эле ЕЭК кызматкерлерине уюмдун дүйнөлүк тажрыйбаны жана бажы чөйрөсүндөгү мыкты тажрыйбаларды изилдөөгө мүмкүндүк берген билим берүү онлайн-платформасына жеткилик берүүгө жогорку кызыкдарлыгын белгиледи.
ЕЭК менен ДБУнун ортосунда ЕАЭБ мүчө мамлекеттеринин бажы органдарынын күнүмдүк ишмердигине башкаруунун мыкты дүйнөлүк практикасын киргизүү маселелери боюнча өз ара иштешүүнү уюштуруу макулдашылды.
"Евразия экономикалык бирлигинин мыйзамдарына ылайык, Комиссияга ЕАЭБ ТЭИ ТН жүргүзүү, ошондой эле ЕАЭБ өлкөлөрүндө номенклатураны бир түрдүү колдонууну камсыз кылуу үчүн товарлардын айрым түрлөрүн классификациялоо жөнүндө чечимдерди кабыл алуу боюнча ыйгарым укуктар берилген. Бул чечимдер Бирликтин аймагында колдонуу үчүн милдеттүү, – деп белгиледи Руслан Давыдов. – Буга байланыштуу Комиссия менен ДБУнун Шайкеш келтирилген тутуму боюнча комитетинин өз ара аракеттенүүсү ЕАЭБ аймагында колдонулган классификациялоого карата мамилелерди товарларды классификациялоонун эл аралык тажрыйбасы менен унификациялоого өбөлгө түзөт".
Ар кандай өлкөлөрдүн бажы кызматтарынын ортосунда маалымат алмашуу, транспорттун бардык түрлөрү менен товарларды ташууда санариптик технологияларды колдонуу, бажылык контролдоодо интрузивдик эмес технологияларды колдонуу потенциалы талкуунун негизги темалары болду.
Дүйнөлүк бажы уюму (ДБУ) – эл аралык өкмөттүк эмес, бажы жана тариф саясатын жөнгө салуу жаатында туруктуу иштеген уюм. Уюмга 186 мүчө өлкө кирет, алардын үлүшүнө дүйнөлүк сооданын 98% туура келет.
