Жаңылыктар
ЕЭК ЕАЭБдин Бажы кодексине түзөтүүлөрдүн биринчи топтомун түзүүнү аяктоодо
Евразия экономикалык комиссиясынын Бажы кызматташтыгы боюнча министри Максат Мамыткановдун төрагалыгы алдында өткөн Евразия экономикалык бирлигинде бажылык жөнгө салууну өркүндөтүү боюнча жумушчу топтун отурумунда ЕАЭБ Бажы кодексине өзгөртүүлөрдү киргизүү жөнүндө биринчи комплекстүү протоколдун долбооруна киргизиле турган түзөтүүлөрдүн топтому макулдашылды.
Бул өзгөртүүлөр мүчө мамлекеттер үчүн бажы чөйрөсүндө артыкчылыктуу болуп саналат. Алар Бажы кодексин колдонууга байланыштуу бир катар көйгөйлүү маселелерди жөнгө салууга, Бирликтин бажы чек арасы аркылуу жүктөрдүн өтүүсүн жөнөкөйлөтүүгө жана тездетүүгө, товарлардын айрым категориялары үчүн бажы операцияларын жүргүзүүнүн өзгөчөлүктөрүн белгилөөгө жардам берет.
Мындай маселелер болуп, атап айтканда, бажы чек арасы аркылуу контейнерлерди алып өтүүнүн тартиби, транзиттик жана каботаждык ташууларды жүзөгө ашыруу, бажы кампасынын, эркин бажы аймагынын жана эркин кампанын бажы жол-жоболорун колдонуу саналат.
Айрым, азырынча аягына чейин макулдашылбаган маселелерди талкуулап, жумушчу топтун мүчөлөрү ЕАЭБ Бажы кодексине өзгөртүүлөрдү киргизүү жөнүндө биринчи комплекстүү протоколду укуктук экспертизага жана андан кийин – мамлекеттик ички макулдашууга жөнөтүүнү жактырышты.
Маалымат
Евразия экономикалык бирлигинде бажылык жөнгө салууну өркүндөтүү боюнча жумушчу топ ЕЭК Коллегиясынын 2020-жылдын 15-сентябрындагы № 125 тескемеси менен Бирликтин алкагында бажылык укуктук мамилелерди жөнгө салуучу эл аралык келишимдерди ишке ашырууну талап кылган ЕАЭБде бажылык жөнгө салууну өркүндөтүүнүн концептуалдык маселелери боюнча чечимдерди талкуулоо жана кабыл алуу үчүн түзүлгөн.
