Жаңылыктар
Евразия экономикалык форуму-2023 концепциясы жактырылды
Евразия экономикалык комиссиясынын Кеңешинин Төрагасы, Россия Федерациясынын Өкмөтүнүн Төрагасынын орун басары Алексей Оверчук 12-апрелде ушул жылдын 24-25-майында Москвада өткөрүү пландаштырылган Евразия экономикалык форумунун уюштуруу комитетинин биринчи отурумун өткөрдү.
Отурумга уюштуруу комитетинин Төрагасынын орун басары, ЕЭК Коллегиясынын Төрагасы Михаил Мясникович, Программалык комитеттин жетекчиси, ЕЭК министри Андрей Слепнев, ЕЭКтин Оперативдик штабынын жетекчиси, уюштуруу комитетинин жооптуу катчысы Данияр Турусбеков, ЕЭК Коллегиясынын мүчөлөрү, Бирлик өлкөлөрүнүн министрликтеринин, ведомстволорунун өкүлдөрү жана форумдун оператору катышышты.
Уюштуруу комитетинин отурумунун жүрүшүндө форумду өткөрүүнүн концепциясы бекитилди, ага ылайык иш-чаранын программасы пленардык отурумдарды, ошондой эле панелдик сессияларды (бардыгы 35ге жакын иш-чара) өткөрүү болжолдонот. ЕАЭБ алкагында өз ара аракеттенүүнүн актуалдуу чөйрөлөрү максималдуу камтылган: илимий-техникалык кызматташтык, каржы чөйрөсү, өнөр жай жана АӨК, климаттык күн тартиби, энергетика, техникалык жөнгө салуу жана ветеринария, Бирликтин ички рыногун өнүктүрүү, электрондук соода, бажылык жөнгө салуу, аймактык кызматташтык, мамлекеттик сатып алуулар, статистика ж. б.
Иш-чараны ачып жатып, Алексей Оверчук форум Евразия экономикалык бирлигинин мүчө мамлекеттеринин бизнеси менен мамлекеттик органдарынын ортосунда түз диалог жана евразия мейкиндигинде жагымдуу ишкер климатты түзүүгө багытталган жаңы идеяларды талкуулоо үчүн аянтча болууга тийиш экендигин баса белгиледи.
"Алдыда өтө турган Евразиялык экономикалык форумдун темасы "Көп полярдуу дүйнөдөгү евразиялык интеграция" катары аныкталган. Ал дүйнө жаңы чакырыктарга туш болгон шарттарда евразиялык интеграцияны өнүктүрүү милдеттерине толук өлчөмдө жооп берет. Форумдун максаты - көп полярдуу дүйнөдө интеграциялык бирикме катары Бирлик идеясын популяризациялоо жана евразиялык мейкиндикте кооперациялык байланыштарды өркүндөтүү", – деп билдирди РФ Өкмөтүнүн Төрагасынын орун басары.
Михаил Мясниковичтин сөзү боюнча, Евразия экономикалык форумун өткөрүүнүн максаты – ЕАЭБ өлкөлөрүнүн экономикалык кызматташтыгын андан ары өнүктүрүү, чарбакер субъекттердин ортосунда ишенимдүү байланыштарды түзүү, инвестициялык жана инновациялык потенциалдарды бириктирүүдөн синергетикалык натыйжага жетишүү.
Маалымат
Евразия экономикалык форуму Бирликтин органдарында, Жогорку Евразия экономикалык кеңешинде, Евразия өкмөттөр аралык кеңешинде жана ЕЭК Кеңешинде төрагалык кылган ЕАЭБ мамлекетинде жыл сайын кезек менен өткөрүлүүчү, Евразия экономикалык бирлигинин экономика чөйрөсүндөгү ишкердик иш-чарасы. Форум ЖЕЭКтин 2019-жылдын 1-октябрындагы № 16 чечиминин негизинде өткөрүлөт.
Иш-чара ага мүчө мамлекеттердин жана үчүнчү өлкөлөрдүн ири, орто жана чакан бизнесинин жетекчилеринин, мүчө мамлекеттердин биринчи адамдарынын, ЕАЭБ өлкөлөрүнүн мамлекеттик бийлик органдарынын өкүлдөрүнүн, ошондой эле үчүнчү өлкөлөрдүн өкмөттөрүнүн жетекчилеринин жана өкүлдөрүнүн, Бирликтин алкагында өз ара аракеттенүүгө кызыкдар болгон эл аралык, илимий жана билим берүү уюмдарынын өкүлдөрүнүн катышуусуна багытталган.
Биринчи Евразия экономикалык форуму 2022-жылдын 26-майында Бишкекте (Кыргызстан) өткөн.
