Темирбек Асанбеков жана Кыргызстандын транспорт жана коммуникациялар министр Эркинбек Осоев ЕАЭБдин транзиттик потенциалын ишке ашыруунун перспективаларын талкуулашты

ЕЭК министри "учурдагы мезгилдин реалиялары евразиялык интеграциянын актуалдуу маселелерин ар тараптуу талкуулоонун маанилүүлүгүн жогорулатууда" деп белгиледи. Тараптар 26-27-майда Бишкекте Жогорку Евразия экономикалык кеңешинин отуруму жана ЕАЭБдин мүчө мамлекеттеринин транспорт чөйрөсүндөгү ыйгарым укуктуу органдарынын жетекчилеринин кеңеши менен бир мезгилде өткөрүү пландаштырылган Евразия экономикалык форумунун алкагында болуп өтүүчү транспорт чөйрөсүндөгү панелдик сессиянын өткөрүлүшүн макулдашышты.

Сессия ЕАЭБдин транспорт саясатын ишке ашырууга, анын негизги максаттарына жана евроазиялык байланыштарды жана мобилдүүлүктү өнүктүрүү боюнча приоритеттүү милдеттерге арналмакчы. "Сессиянын жыйынтыктары боюнча транспорт ведомстволорунун жетекчилеринин резолюциясын кабыл алуу пландаштырылууда. Бул эл аралык уюмдардын транспортту, ташууларды жана логистиканы глобалдык форматта өнүктүрүү боюнча иш-аракеттерине жана жарыяланган демилгелерине кошулууга ниетибиздин тастыктоосу болмокчу", – деп ЕЭК министри корутундулады.

Буга байланыштуу Темирбек Асанбеков Кыргызстандын транспорт жана коммуникациялар министр Эркинбек Осоевди жакында өткөрүлүүчү иш-чараларга катышууга чакырып өттү. Анын кыргыз кесиптеши аталган иш-чараларга катышаарын тастыктады.

Жолугушуунун катышуучулары ЕАЭБ өлкөлөрүнүн транспорт комплекстеринин өнүгүүсүнө түздөн-түз таасир этүүчү маселелерге өзгөчө көңүл бөлүштү: Евразия транспорт коридорлорун өнүктүрүү, аба каттамдарын кеңейтүү, автомобиль менен каботаждык жүк ташуулар, транзиттин көлөмдөрүн көбөйтүү үчүн шарттарды түзүү, атап айтканда, автомобиль жана темир жол транспорту менен ташууларда навигациялык пломбаларды колдонуу, электрондук документтерди колдонууга өтүү, чек аралардан өтүү маселелери.

Ошондой эле, жолугушууга ЕЭКтин транспорт жана инфраструктура департаментинин директору Даурен Сабитов катышып, ал кыргыз тарапка департаменттин иши, жетишкендиктери жана тармактык иштин перспрективалары жөнүндө айтып берди.

ЕЭКтин Протокол жана уюштуруучулук камсыздоо департаментинин маалыматтык камсыздоо бөлүмү