Жаңылыктар
ЕАЭБдин эл аралык ишмердигинин 2023-жылга карата Негизги багыттары бекитилди
Документте белгиленгендей, 2023-жылы ЕАЭБ үчүн артыкчылыктар КМШ мамлекеттери жана башка жакынкы чет өлкөлөр менен өз ара аракеттенүүнү күчөтүү, Шанхай кызматташтык уюму (ШКУ), Түштүк-Чыгыш Азия мамлекеттеринин ассоциациясы (АСЕАН), Европа бирлиги (ЕБ), БРИКС өлкөлөрү жана Борбордук Азиядагы жана Жакынкы Чыгыштагы башка кызыкдар мамлекеттер жана бирикмелер менен Чоң Евразиялык өнөктөштүк идеясынын контекстинде системалуу диалогду өнүктүрүү, ЕАЭБ өлкөлөрүнүн экспорттук потенциалын, анын ичинде жаңы рынокторго чыгуунун жана өз ара эсептешүүлөрдө улуттук валюталарды колдонууну кеңейтүүнүн эсебинен ишке ашырууга көмөк көрсөтүү болмокчу.
Бирликтин негизги күч-аракеттери буга чейин түзүлгөн кызматташуу механизмдерин өнүктүрүүгө, анын ичинде түзүлгөн меморандумдардын, декларациялардын жана соода макулдашууларынын алкагында кызматташтыкты өнүктүрүүгө багытталат. Буга документтин биринчи бөлүмү арналган.
Эл аралык уюмдардын арасында Бириккен Улуттар Уюму (БУУ), анын ичинде анын аймактык комиссиялары, Дүйнөлүк бажы уюму (ДБУ), Дүйнөлүк соода уюму (ДСУ) жана башкалар, аймактык бирикмелердин арасында КМШ Аткаруу комитети, ШКУ, АСЕАН, Африка бирлиги жана башкалар белгиленген.
Үчүнчү өлкөлөргө токтолсок, ЕАЭБге караштуу байкоочу мамлекеттер менен, Соода-экономикалык кызматташтык жөнүндө макулдашуунун алкагында Кытай менен, преференциалдык соода макулдашууларына ылайык Вьетнам, Сербия, Сингапур жана Иран менен кызматташуу артыкчылыктуу болмокчу.
Документтин экинчи бөлүгүндө Бирлик байланыштарды өнүктүрүүгө умтулган потенциалдуу өнөктөштөр келтирилет. Алардын арасында - ЕАЭБ менен системалык өз ара иштешүүнү тереңдетүүгө кызыгууларын билдирген регионалдык бирикмелер жана үчүнчү өлкөлөр бар.
Маалымат
ЕАЭБдин эл аралык ишмердиги 2014-жылдын 29-майындагы Евразия экономикалык бирлиги жөнүндө келишимдин 7-беренесине жана Жогорку Евразия экономикалык кеңешинин 2014-жылдын 23-декабрындагы № 99 Чечими менен бекитилген Евразия экономикалык бирлигинин эл аралык кызматташтыгын жүргүзүү тартибине ылайык ишке ашырылат. Көрсөтүлгөн Тартиптин 5-пунктуна ылайык, Евразия экономикалык бирлигинин эл аралык ишмердигинин Негизги багыттары түзүлөт.
2022-жылдын 10-ноябрына карата абал боюнча, ЕЭК эл аралык уюмдар менен 46 меморандум, үчүнчү өлкөлөрдүн өкмөттөрү, министрликтери жана ведомстволору менен 27 меморандум, регионалдык интеграциялык жана мамлекеттер аралык бирикмелер менен 14 меморандум, үчүнчү өлкөлөр менен 7 соода келишимдерин түзгөн.
