Евразия экономикалык комиссиясынын Кеңеши медициналык колдонуу үчүн дары-дармек каражаттарын каттоо жана экспертиза өткөрүү эрежелерине өзгөртүүлөрдү киргизди.
Каттоо жана экспертиза жүргүзүү эрежелери дары-дармек каражаттарын жүгүртүү чөйрөсүндө эң көп талап кылынган документ болуп саналат. Ушуга байланыштуу Эрежелердин жоболору жаңы дары-дармектердин топторунун пайда болушун, фармакология жана фармация чөйрөсүндөгү илимий маалыматтарды жана мүчө мамлекеттердин практикалык тажрыйбасын эске алуу менен жаңыланат.
Кеңештин чечими менен Каттоо эрежелеринин концептуалдык аппараты жогорку технологияларды колдонуунун негизинде түзүлгөн дары-дармек каражаттарынын жаңы топторуна карата кеңейтилген жана унификацияланган. Дары-дармек препараттарынын үч жаңы тобу белгиленди: ген терапиясы үчүн препараттар, соматоклеткалык дары-дармек препараттары жана ткань инженериясынын препараттары.
Мындай өзгөртүүлөрдү кабыл
алуу адамдын мурдагы айыккыс ооруларын дарылоодо прогрессивдүү технологияларды
ишке ашырууну камсыз кылган бир катар дары-дармектерди рынокко чыгаруу
процесстерин оптималдаштырууга мүмкүндүк берет.
