17-18-январда Евразия экономикалык комиссиясынын Бажы мыйзамдары жана укук колдонуу практикасы департаментинин директору Сергей Владимировдун төрагалыгы астында Бажылык жөнгө салуу боюнча консультативдик комитетке караштуу эки жумушчу топтун биргелешкен отуруму болуп өттү.
Иш-чарага мамлекеттик органдардын жана бизнестин өкүлдөрү, анын ичинде почта операторлору жана экспресс-ташуучулар катышты.
Евразия экономикалык бирлигинин Бажы кодексине тышкы электрондук сооданы жөнгө салуу бөлүгүндө Өзгөртүүлөрдү киргизүү жөнүндө протоколду иштеп чыгууда ЕЭКтин чечимдеринин долбоорлору талкууланды.
"Комиссиянын бир катар чечимдери, анын ичинде электрондук соода товарларына декларацияга, бажы алымынын бирдиктүү ченинин өлчөмүнө тиешелүү чечимдер Протокол күчүнө кирген учурдан тартып колдонула башташы керек. Бул чечимдерсиз жаңы жоболорду колдонуу мүмкүн болбойт, жана биздин милдет – бизнестин да, бажы органдарынын да жаңы реалдуулукка өз убагында даярдыгы үчүн ченемдик базаны түзүүнү тезирээк аяктоо", – деп белгиледи Сергей Владимиров.
Департаменттин директору ошондой эле бул багыт боюнча пландуу жана болжолдуу иштерди камсыз кылуу үчүн, Комиссия көрсөтүлгөн Протоколду өнүктүрүүгө актыларды иштеп чыгуунун тиешелүү графигин даярдаганына көңүл бурду.
ЕЭК Коллегиясынын электрондук соода товарларына декларациянын формасын жана аны толтуруу тартибин аныктаган чечиминин долбоору каралды, ал буга чейин эксперттер тарабынан жактырылган мамилелерди талкуулоонун жыйынтыгы боюнча түзүлгөн.
Мындан тышкары, жеке жактар сатып алган электрондук соода товарларына карата бажы алымынын бирдиктүү ченин жана эксперттер бул маселени иштеп чыгууга алган электрондук соода операторун камсыздоонун өлчөмүн аныктаган Комиссиянын Кеңешинин чечиминин долбоору талкууланды.
Маалымат
2023-жылдын 25-декабрында Жогорку Евразия экономикалык кеңешинде Бирликтин Бажы кодексине тышкы электрондук сооданы жөнгө салуу жагында Өзгөртүүлөрдү киргизүү жөнүндө протоколго кол коюлган.
Евразия өкмөттөр аралык кеңешинин 2021-жылдын 19-ноябрындагы № 10 чечими менен Евразия экономикалык бирлигинин алкагында электрондук сооданы өнүктүрүү үчүн жагымдуу шарттарды түзүү боюнча иш-чаралар планы (жол картасы) бекитилген.
Жол картасынын 2-пунктуна ылайык Евразия экономикалык комиссиясы ЕАЭБ мамлекеттери менен биргеликте Комиссиянын тиешелүү актыларын, анын ичинде электрондук соода товарларына декларациянын формасын жана аны толтуруу тартибин аныктаган ЕЭК актысын даярдоосу зарыл.
