Евразия экономикалык комиссиясынын өнөр жай блогунун өкүлдөрү химиялык өнөр жайдын жана илимдин "Химия-2024" эл аралык көргөзмөлөрүнүн ишкер программаларынын жана конструкциялык материалдарды иштетүү жабдууларынын жана технологияларынын "Технофорум-2024" политехникалык көргөзмөсүнүн иш-чараларына катышышты.
Иш-чаралардын жүрүшүндө өнөр жайда технологиялык көзкарандысыздыкка жетишүү, Евразия экономикалык бирлигинде өнөр жай кооперациясы жана инвестициялык долбоорлор, станок куруу тармагын өнүктүрүү маселелери талкууланды, тармактык тизмелерди даярдоо боюнча ЕЭКтин өнөр жай блогунун ишин улантуу үчүн кошумча багыттар алынды.
"ЕЭК Коллегиясынын ушул жылдын 1-июлундагы сунуштамасына ылайык тизмектерди даярдоо маалыматтардын маалыматтык базаларын түзүү мүмкүнчүлүгүн караштырат, алар керектөөлөрдү аныктоого, станок куруунун өтө маанилүү продукциясын өндүрүүнү өздөштүрүү боюнча ишти координациялоого жана Бирликте жаңы кооперациялык байланыштарды түзүүгө мүмкүндүк берет", - деп белгиледи ЕЭКтин Өнөр жай саясаты департаментинин бөлүмүнүн башчысы Дмитрий Ярошенко.
Комиссиянын делегациясы бир катар иштиктүү жолугушууларды өткөрдү, анын ичинде Россиянын химиктер бирлигинин аткаруучу директорунун орун басары Леонид Фрейман менен жолугушту.
Комиссиянын өкүлдөрү көргөзмөлөрдүн катышуучуларын ЕАЭБдин үч жана андан ашык мамлекеттеринин катышуусу менен долбоорлорду ишке ашырууда өнөр жай кооперациясын каржылоо механизмин колдонуу мүмкүнчүлүктөрү жөнүндө маалымдашты.
ЕЭК Коллегиясынын "ЕАЭБ мүчө мамлекеттеринин станок куруу чөйрөсүндө өнөр жай кооперациясын өнүктүрүү жөнүндө" сунуштамасы 2024-жылдын 1-июлунда кабыл алынган жана төмөнкүдөй тизмектерди түзүү мүмкүнчүлүгүн карайт: а) ЕАЭБ аймагында чыгарылбаган жана мүчө мамлекеттердин улуттук тармактык стратегиялык программаларына ылайык өндүрүшү артыкчылыктуу болуп саналган станок куруу продукцияларынын, алардын бөлүктөрүнүн жана компоненттеринин түрлөрүнүн; б) мүчө мамлекеттердин өнөр жай ишканалары тарабынан өндүрүлүүчү станок куруу продукцияларынын түрлөрүнүн, алардын бөлүктөрүнүн жана компоненттеринин; в) ЕАЭБдин станок куруу чөйрөсүндө биргелешкен кооперациялык долбоорлорду ишке ашырууга катышууга даяр кызыкдар өнөр жай ишканаларынын.
Азыркы учурда ЕЭКтин Өнөр жай саясаты департаменти ЕАЭБдин аз тоннаждык химия (АТХ) тармагына сереп, ЕАЭБдин АТХ маанилүү продукцияларынын тизмесин, ошондой эле мындай продукцияны чыгарган ЕАЭБ өндүрүүчүлөрүнүн жана илимий-изилдөө уюмдарынын тизмесин даярдап жатат.
