Жаңылыктар

26.07.2023 (Обновлено: 27.07.2023 13:33)

Россияда өнөр жай товарларын мамлекеттик сатып алуулар чөйрөсүндө тоскоолдуктар четтетилди

Евразия экономикалык комиссиясынын Коллегиясынын 25-июлдагы отурумунда өнөр жай товарларын мамлекеттик (муниципалдык) сатып алууларды ишке ашырууда ЕАЭБ өлкөлөрүнөн жеткирүүчүлөргө кошумча талаптарды белгилөө менен байланышкан, Евразия экономикалык бирлигинин ички рыногунун ишинин алкагында кедерги белгилери бар тоскоолдуктарды Россия Федерациясы тарабынан четтетүү жөнүндө маселе каралды.

Буга чейин Комиссия Россия тарабынан ЕАЭБ укугунун аткарылышына мониторинг жүргүзүп, Бирликтин ички рыногунда кедерги белгилери бар тоскоолдуктардын бар экендиги жөнүндө корутунду даярдаган. Атап айтканда, товарды буюртма берүүчүгө жеткирүүдө жеткирүүчү товар чыгарылган өлкөнү ырастоочу документтерди берүүгө тийиш болгон жана анын негизинде товар жөнүндө маалыматтар евразиялык реестрге киргизилген.

Кедергинин квалификациясы жөнүндө маселе өткөн жылдын аягында ЕЭК Коллегиясынын отурумунда каралган жана россиялык тарап бул тоскоолдук реестрге киргизилгенге чейин Бирликтин укугуна ылайык келбестиктерди четтетүүгө даярдыгын билдирген.

ЕЭКтин ички рыноктор, маалыматташтыруу, маалыматтык-коммуникациялык технологиялар боюнча министри Варос Симонян маалымдагандай, россиялык тарап өз милдеттенмелерин аткарган жана Россия Федерациясынын Өкмөтүнүн № 889 токтомун кабыл алган, ал мамлекеттик сатып алуулардын катышуучуларына товар чыгарылган өлкөнү тастыктаган документтерди берүү талабын жокко чыгарат (2023-жылдын 1-июнунан тартып күчүнө кирди).

Мындай жол менен, Мамлекеттик (муниципалдык) сатып алуулар максаттарында товарлардын айрым түрлөрү чыгарылган өлкөсүн аныктоо эрежелерине шайкеш келбеген кошумча талаптар четтетилген.

"Биз Россия Федерациясынын ЕАЭБде мамлекеттик сатып алуулар чөйрөсүндө улуттук режимдин берилишин камсыздоодогу аракеттерин кубаттайбыз", – деп белгиледи Варос Симонян.