Նորություններ

Հոկտեմբերի 1-ին Եվրասիական միջկառավարական խորհուրդը հաստատել է Եվրասիական տնտեսական միության ընդհանուր էլեկտրաէներգետիկ շուկայում տեղեկատվական փոխանակման կանոնները։ Սա էլեկտրաէներգիայի ընդհանուր շուկայի գործունեության կանոնների փաթեթի վերջնական փաստաթուղթն է, որի ընդունումը նախատեսված է ԵԱՏՄ մասին պայմանագրով։

Սույն Կանոնները կանոնակարգում են շուկայի սուբյեկտների, Միության անդամ պետությունների էներգետիկայի ոլորտի լիազոր մարմինների և Եվրասիական տնտեսական հանձնաժողովի տեղեկատվական փոխգործակցությունը, սահմանում են շուկայի գործունեության շրջանակներում բացահայտման ենթակա տեղեկատվության կազմը:

Փաստաթուղթը նաև իրավական հիմք է ստեղծում ԵԱՏՄ ընդհանուր էլեկտրաէներգետիկ շուկայում էլեկտրոնային փաստաթղթաշրջանառության մեջ ազգային էլեկտրոնային թվային ստորագրությունների օգտագործման համար։