Жаңылыктар

Бул туурасында Беларусь Республикасынын Машина куруучулар күнүнүн алкагында Евразия экономикалык комиссиясынын Коллегиясынын Төрагасы Михаил Мясникович билдирди.

"Санкциялык басымдын шарттарында тармактын ишканалары туш болгон кыйынчылыктарга карабастан, ушул жылдын алты айынын жыйынтыгы боюнча тармак жалпысынан 12,4%га өскөн. Ошол эле учурда Евразия экономикалык бирлигинин өлкөлөрүнүн иштетүүчү өнөр жай продукцияларын чыгаруунун көлөмдөрүнүн өсүшү 6,1%ды, ал эми жалпысынан өнөр жай боюнча – 2,8%ды түздү, бул машина куруу өндүрүшүнүн көлөмдөрүнүн адымдуу өсүшү жана өнөр жай интеграциясынын учурдагы потенциалы күбөлөндүрөт", – деп белгиледи ЕЭК Коллегиясынын Төрагасы.

Михаил Мясникович баса белгилегендей, бүгүнкү күндө Беларусь – КМШ мамлекеттеринде гана эмес, бир катар үчүнчү өлкөлөрдө оруп-жыюу техникаларын, тракторлорду, станокторду жана башка атайын техникаларды негизги жеткирүүчүлөрдүн бири.

"МАЗ, БелАЗ, "Атланта", Гомсельмаш, Минск трактордук жана мотордук заводдору, Могилев лифт машинакуруу заводу – бул туруктуу калыптанган бренддер, алардын продукциясы ЕАЭБ рыногунда гана суроо-талапка ээ болбостон, дүйнөлүк рыноктордо чет өлкөлүк аналогдор менен ийгиликтүү атаандашат, көп учурда өндүрүштүк жана экономикалык көрсөткүчтөрү боюнча алардан алдыда", - деди Михаил Мясникович.

Машина куруучулар күнүнүн алкагында өткөрүлгөн көргөзмөдө беларустук ишканалар учкучсуз трактор, МАЗ автомобиль техникасынын заманбап үлгүлөрү, "Атланта" жана "Витязь" тиричилик техникалары сыяктуу бир нече инновациялык техниканын моделдерин көрсөтүштү.

Тармактын кызматкерлерине жана ардагерлерине ЕЭК Коллегиясынын Төрагасы Евразия экономикалык комиссиясынын атынан эстелик сыйлыктарды тапшырып, аларга ак ниет жана жеңил эмгеги үчүн ыраазычылык билдирип, алардын жогорку кесипкөйлүгүн жана ишке жоопкерчиликтүү мамилесин белгилеп өттү. Михаил Мясниковичтин сөзү боюнча, бул сапаттар беларустук өндүрүүчүлөргө ЕАЭБ өлкөлөрүнүн машина куруу комплексин андан ары өнүктүрүүгө мүмкүндүк берет.