Навіны
Арзыбек Кожашаў распавёў аб рабоце па развіцці «разумных» транспартных сістэм у ЕАЭС
Міністр па энергетыцы і інфраструктуры Еўразійскай эканамічнай камісіі Арзыбек Кожашаў прыняў удзел у рэжыме відэаканферэнцыі ў рабоце II Міжнароднай навукова-практычнай канферэнцыі «Разумныя» транспартныя сістэмы і інфраструктура лічбавай эканомікі», якая праходзіць у Ташкенце. Галоўнымі тэмамі мерапрыемства сталі вывучэнне міжнароднага вопыту лічбавага пераходу транспартна-лагістычнага комплексу, а таксама ўклад «разумных» транспартных сістэм у развіццё міжнароднага гандлю.
«Сродкі аўтаматызацыі становяцца ўсё больш даступнымі дзякуючы станаўленню лічбавай эканомікі, дазваляюць дасягаць практычна поўнай празрыстасці транспартнага перамяшчэння тавараў, павышаюць прадказальнасць і зніжаюць рызыкі грузаперавозак, а таксама памяншаюць транспартна-лагістычныя выдаткі, стымулюючы міжнародны гандаль», – адзначыў Арзыбек Кожашаў.
Міністр ЕЭК паведаміў, што Камісія разглядае магчымасці развіцця «разумных» транспартных сістэм у рамках ЕАЭС. Таксама ён распавёў аб Канцэпцыі па ўдасканаленні ўзаемадзеяння інтэлектуальных транспартных сістэм, накіраванай на актывізацыю працэсу ўкаранення новых тэхналогій у транспартную інфраструктуру.
«Мы развіваемся, і вопыт ЕАЭС па ўкараненні інтэлектуальных транспартных сістэм, лічбавай інфраструктуры ўдасканальваецца з улікам новых тэхналогій», – сказаў міністр ЕЭК.
