Навіны
Арзыбек Кожашаў сустрэўся з намеснікам Прэм'ер-міністра Беларусі Ігарам Петрышэнкам
Праекты, звязаныя з рынкамі энерганосьбітаў і транспартам у Еўразійскім эканамічным саюзе, абмеркаваў міністр па энергетыцы і інфраструктуры Еўразійскай эканамічнай камісіі Арзыбек Кожашаў з намеснікам Прэм'ер-міністра Рэспублікі Беларусь, членам Савета ЕЭК Ігарам Петрышэнкам. Сустрэча прайшла 17 лістапада ў Мінску.
Арзыбек Кожашаў праінфармаваў аб рабоце па курыраваных напрамках, а таксама прадставіў даныя аб ходзе падрыхтоўкі праекта дарожнай карты па рэалізацыі Асноўных напрамкаў транспартнай палітыкі краін ЕАЭС. У гэты дакумент будуць уключаны мерапрыемствы на 2024-2026 гады. Таксама былі закрануты пытанні інфраструктурнага развіцця, у прыватнасці стварэнне механізму рэалізацыі прыярытэтных інтэграцыйных інфраструктурных праектаў у сферы транспарту краін Саюза.
Бакі адзначылі істотнае прасоўванне па праекце фарміравання агульнага рынку электраэнергіі ЕАЭС. Так, раней рашэннямі Еўразійскага міжурадавага савета былі зацверджаны тры праекты правіл функцыянавання агульнага электраэнергетычнага рынку Саюза. Гэта Правілы доступу да паслуг па міждзяржаўнай перадачы электрычнай энергіі (магутнасці), правілы ўзаемнага гандлю электрычнай энергіяй і правілы вызначэння і размеркавання прапускной здольнасці міждзяржаўных сячэнняў. Акрамя таго, вызначаны гандлёвыя пляцоўкі, якім даручана арганізаваць цэнтралізаваны гандаль электраэнергіяй па тэрміновых кантрактах і на суткі наперад.
«Нягледзячы на некаторыя цяжкасці, пры каардынуючай ролі ЕЭК і актыўным садзейнічанні Міністэрства энергетыкі ўдалося знайсці варыянт, які задавальняў бы ўсе бакі. Падпісаныя дакументы паслужаць далейшаму фарміраванню агульнага электраэнергетычнага рынку», – адзначыў Ігар Петрышэнка.
Міністр ЕЭК падкрэсліў неабходнасць выканання планавых тэрмінаў падрыхтоўкі актаў, якія рэгулююць агульныя рынкі энергарэсурсаў.
«Можна адзначыць высокую ступень гатоўнасці распрацаваных у Еўразійскім эканамічным саюзе актаў па агульных энергетычных рынках. Тым не менш, важна засяродзіць намаганні на прыняцці канчатковых рашэнняў па няўзгодненых пытаннях фарміравання энергетычных рынкаў», – лічыць Арзыбек Кожашаў.
