Навіны
ЕЭК і Малайзія маюць намер развіваць дыялог
Перспектывы супрацоўніцтва Еўразійскай эканамічнай камісіі і Ўрада Малайзіі абмеркавалі на перамовах міністр па інтэграцыі і макраэканоміцы ЕЭК Эльдар Алішэраў і намеснік генеральнага сакратара Міністэрства інвестыцый, прамысловасці і гандлю Малайзіі Мастура Ахмад Мустафа 27 лістапада ў Куала-Лумпуры.
Падчас сустрэчы міністр ЕЭК праінфармаваў партнёраў аб актуальных аспектах развіцця Еўразійскага эканамічнага саюза, а таксама аб супрацоўніцтве з трэцімі краінамі і інтэграцыйнымі аб'яднаннямі.
«Дыялог з партнёрамі ў Паўднёва-Ўсходняй Азіі – адзін з прыярытэтаў міжнароднай дзейнасці ЕАЭС. Такі вектар замацаваны ў ключавых дакументах стратэгічнага планавання Саюза, – падкрэсліў Эльдар Алішэраў. – З кожным годам расце роля рэгіёну ў гандлёва-эканамічных адносінах для ўсіх краін ЕАЭС».
У якасці першага кроку па выбудоўванні дыялогу міністр ЕЭК прапанаваў арганізаваць у Маскве сумесны семінар з удзелам прадстаўнікоў ЕЭК, краін ЕАЭС і Малайзіі. «У рамках мерапрыемства гатовы правесці прэзентацыю Саюза для прадстаўнікоў дзяржаўных органаў Малайзіі і разам вызначыць сферы далейшага ўзаемадзеяння, якія ўяўляюць узаемную цікавасць», – адзначыў кіраўнік блока інтэграцыі ЕЭК.
Эльдар Алішэраў таксама адзначыў высокі патэнцыял паглыблення дыялогу ЕЭК і Малайзіі на пляцоўцы ЕАЭС – АСЕАН, у тым ліку ў рамках старшынства Малайзіі ў АСЕАН у 2025 годзе.
