Навіны

10 лістапада ў г. Гродна (Беларусь) пад старшынствам члена Калегіі (міністра) па канкурэнцыі і антыманапольным рэгуляванні Еўразійскай эканамічнай камісіі Нурлана Алдабергенава адбудзецца міжнародная канферэнцыя «Перавагі і асаблівасці работы суб'ектаў бізнесу ва ўмовах ЕАЭС у 2016 годзе».  У ходзе канферэнцыі плануецца разгледзець пытанні забеспячэння роўных умоў канкурэнцыі і свабоднага перамяшчэння тавараў на трансгранічных таварных рынках краін Еўразійскага эканамічнага саюза ў розных галінах эканомікі і зняцця бар'ераў ва ўзаемным гандлі. Удзельнікі мерапрыемства прааналізуюць стан канкурэнцыі на трансгранічных таварных рынках (міжнародных чыгуначных перавозак, электраэнергіі, паслуг міжнароднай сувязі (роўмінгу), прадуктаў харчавання, нафтапрадуктаў, фасфатнай сыравіны, грузавых аўтамабіляў і запасных частак), захаванне забаронаў на нядобрасумленную канкурэнцыю, антыканкурэнтныя пагадненні, злоўжыванне дамінуючым становішчам . Будуць абмеркаваны пытанні паралельнага імпарту, гарманізацыі і ўдасканалення антыманапольнага заканадаўства, дзяржаўных закупак. У рамках канферэнцыі будзе таксама прадстаўлена інфармацыя па пытаннях распрацоўкі і ўкаранення Кодэксаў добрасумленных гандлёвых практык на рынках рэалізацыі і абслугоўвання аўтамабіляў і запасных частак да іх, фармацэўтычным рынку, Кодэкса добрасумленных практык узаемаадносін гандлёвых сетак і пастаўшчыкоў і інш. Для ўдзелу ў канферэнцыі запрошаны кіраўнікі дзяржаўных органаў і антыманапольных ведамстваў краін ЕАЭС, СНД і далёкага замежжа, дэпутаты парламентаў, суддзі Еўразійскага эканамічнага саюза, прадстаўнікі дыпламатычных місій, навуковых колаў, бізнес-суполкі. Месца правядзення канферэнцыі: Беларусь, г. Гродна, вул. Ажэшкі, д. 3, зала пасяджэнняў Гродзенскага ​