Навіны

14.11.2022 (Обновлено: 24.11.2022 11:17)

Фарміраванне агульнай біржавой прасторы абмеркавалі ЕЭК і Казахстанская фондавая біржа

14 лістапада ў Алматы адбылася сустрэча міністра па эканоміцы і фінансавай палітыцы Еўразійскай эканамічнай камісіі Бакытжана Сагінтаева са старшынёй Казахстанскай фондавай біржы Алінай Алдамберген.

Бакытжан Сагінтаеў праінфармаваў аб працы над двума асноватворнымі пагадненнямі ў галіне фарміравання агульнага фінансавага рынку, якая праводзіцца Камісіяй сумесна з фінансавымі рэгулятарамі краін ЕАЭС: аб узаемным допуску брокераў і дылераў краін Саюза да ўдзелу ў арганізаваных біржавых таргах і аб трансгранічным допуску да размяшчэння і абарачэння каштоўных папер на арганізаваных таргах у краінах Саюза.

Акрамя таго, бакі абмеркавалі ролю і магчымасці біржавога валютнага рынку ў пытанні павелічэння разлікаў у нацыянальных валютах краін ЕАЭС.

У жніўні бягучага года кіраўнікамі ўрадаў краін ЕАЭС былі ўхвалены Рэкамендацыі па развіцці выкарыстання нацыянальных валют ва ўзаемным гандлі дзяржаў ЕАЭС. Гэтым дакументам вызначана задача паскоранага развіцця біржавых таргоў валютнымі парамі нацыянальных валют дзяржаў Саюза.

Па выніках сустрэчы была дасягнута дамоўленасць працягваць узаемадзеянне з Казахстанскай фондавай біржай.