Навіны

16.07.2021 (Обновлено: 23.12.2021 12:54)

Вынікі Савета ЕЭК 14 і 16 ліпеня

Савет Еўразійскай эканамічнай камісіі на пасяджэннях 14 і 16 ліпеня ўхваліў праект дарожнай карты па фарміраванні агульнага рынку арганічнай сельгаспрадукцыі ЕАЭС, даручыў ЕЭК сфарміраваць пералікі прадпрыемстваў, гатовых да сумесных кааперацыйных праектаў у авіябудаванні.

Савет ЕЭК прыняў новую рэдакцыю Дадатка № 15 да Правіл належнай вытворчай практыкі (GMP).Такім чынам, будуць пашыраны магчымасці вытворцаў лекаў па правядзенні валідацыі і кваліфікацыі вытворчасцяў у сістэме GMP.

Савет ЕЭК прыняў рашэнне аб пачатку рэалізацыі праекта «Лічбавае тэхнічнае рэгуляванне Еўразійскага эканамічнага саюза».

Савет ЕЭК з мэтай выключэння супярэчнасцяў у патрабаваннях, якія прад'яўляюцца да ўпакаванай пітной вады, прыняў змяненні ў Тэхнічны рэгламент Мытнага саюза «Аб бяспецы харчовай прадукцыі». Харчовы тэхрэгламент будзе прыведзены ў адпаведнасць з патрабаваннямі тэхрэгламенту для ўпакаванай пітной вады.

Рашэннем Савета Камісіі ўнесены змяненні ў Правілы вызначэння краіны паходжання асобных відаў тавараў для мэт дзяржаўных закупак.

Савет ЕЭК даў даручэнне Еўразійскай эканамічнай камісіі і ўрадам дзяржаў Еўразійскага эканамічнага саюза унесці змяненні ў права ЕАЭС па ацэнцы стану канкурэнцыі на лічбавых рынках.

Таксама члены Савета ЕЭК заслухалі даклады аб ходзе фарміравання агульных рынкаў нафты і нафтапрадуктаў ЕАЭС, агульнага рынку газу ЕАЭС у 2020 годзе.

Савет ЕЭК разгледзеў шэраг праектаў распараджэнняў і даручэнняў Еўразійскага міжурадавага савета і зацвердзіў праект Парадку дня пасяджэння ЕМУС.

Наступнае пасяджэнне Савета ЕЭК адбудзецца 10 верасня.