Навіны
У ЕАЭС прынялі канцэпцыю ўкаранення прынцыпаў зялёнай эканомікі
Калегія Еўразійскай эканамічнай камісіі на пасяджэнні 14 лістапада прыняла рэкамендацыю аб канцэпцыі ўкаранення прынцыпаў зялёнай эканомікі ў Еўразійскім эканамічным саюзе.
Як падкрэсліў міністр па інтэграцыі і макраэканоміцы ЕЭК Сяргей Глазьеў, дакумент распрацаваны ў мэтах рэалізацыі пункта 8.3.7 Стратэгіі-2025.
У дакуменце вызначаны чатыры прынцыпы зялёнай эканомікі ў ЕАЭС: транспарэнтнасць і кааперацыйная прывабнасць пры рэалізацыі зялёных праектаў, абмен вопытам і напрацаванай практыкай нацыянальных сістэм кліматычнага рэгулявання паміж дзяржавамі-членамі, эканамічная эфектыўнасць, павелічэнне разрыву паміж эканамічным ростам і антрапагенным уздзеяннем на навакольнае асяроддзе.
«У падрыхтаванай канцэпцыі ўпершыню на ўзроўні ЕАЭС вызначаны набор міжнародна прызнаных крытэрыяў аднясення праектаў да зялёных. Выкарыстанне гэтых крытэрыяў дазволіць кожнай дзяржаве Саюза забяспечыць, з аднаго боку, неабходны баланс паміж абаронай экалогіі і клімату і, з другога боку, дасягненнем нацыянальных мэт устойлівага сацыяльна-эканамічнага развіцця», – адзначыў Сяргей Глазьеў.Прымяненне агульнаеўразійскіх падыходаў да развіцця зялёнай эканомікі стварае ўмовы для ўзаемнага прызнання нацыянальных сістэм экалагічнага рэгулявання і непрымянення так званых кліматычных бар'ераў, прычым не толькі паміж дзяржавамі ЕАЭС, але і са знешнімі партнёрамі Саюза, якія падтрымліваюць гэтыя прынцыпы.
«Узгодненыя падыходы да зялёнай трансфармацыі – найважнейшы, але разам з тым толькі першы этап будучай работы», – сказаў на заканчэнне Сяргей Глазьеў.
Краінам ЕАЭС рэкамендавана браць пад увагу канцэпцыю пры распрацоўцы мер па пераходзе да зялёнай эканомікі. Дакумент апублікаваны на сайце ЕЭК.
